Charter Document - 02340248

Eugenius episcopus servus servorum Dei dilectis filiis Geraldo Molismensi abbati ejusque fratribus tam presentibus quam futuris regularem vitam professis in perpetuum Sicut injusta poscentibus nullus est tribuendus assensus sic legitima desiderantium non est differenda peticio quatinus et devotionis sinceritas laudabiliter enitescat et utilitas postulata vires indubitanter assumat Ea propter dilecti in Domino filii vestris justis postulationibus placido occurrentes assensu donationem Milonis comitis Barri Molismensi ecclesie de Juliaco factam et Josceranni felicis memorie Lingonensis episcopi canonico munimine roboratam vobis vestrisque successoribus inconvulso jure concedimus obtinendam et presentis scripti suffragio roboramus statuentes ut ipsa Juliacensis et que Deo favente jam ex ea processerunt sanctimonialium ecclesie quas propriis congruum duximus exprimendas vocabulis in episcopatu Linguonensi ecclesia Ose in episcopatu Catalaunensi ecclesia Vivifontis et ecclesia One vel si que future sunt Juliaci propagines arbitrio et ordinatione abbatis Molismi regulariter disposite ad laudem et gloriam Dei sub ditione Molismensis ecclesie jugiter perseverent Quia vero predicte sanctimoniales secundum Juliacensis instituti propositum perpetua signate clausura ad secularia non declinant negotia de monachis Molismensibus habebunt sibi spiritualium et temporalium bonorum provisores et ministros pro suorum oportunitate locorum electos tamen et probatos abbatis sui fratrumque suorum sano et provido consilio et ad eorundem euntes et redeuntes imperium Predictarum igitur ecclesiarum paci et utilitati providentes apostolica auctoritate precipimus ut Molismensis ecclesia prefatis monialium ecclesiis potius dominetur officio paterne providentia et consolationis quam supercilio noxie dominationis quatinus monachi Molismenses et sepe jam dicte moniales quasi membra e diverso venientia et amore fraternitatis ordinata sub abbate suo tanquam sub uno capite unum sanctitatis corpus efficiant in Domino Si qua igitur in futurum ecclesiastica secularisve persona hujus nostre constitutionis paginam sciens contra eam temere venire temptaverit [] nisi reatum suum congrua satisfactione correxerit potestatis [] dignitate careat reamque se divino judicio [] a sacratissimo corpore ac sanguine dei et domini nostri Jhesu Christi aliena fiat atque in extremo examine districte ultioni [] eisdem locis sua jura servantibus sit pax Domini nostri Jhesu Christi quatinus et hic fructum bone actionis percipiant et apud districtum judicem premia eterne pacis inveniant Amen amen amen Ego Eugenius catholice ecclesie episcopus subscripsi [Bene valete] Ego Albericus Hostiensis episcopus S Ego Imarus Tusculanensis episcopus S Ego Gregorius presbyter cardinalis tituli Kalisti S Ego Umbaldus presbyter cardinalis tituli sanctorum Johannis et Pauli S Ego Nicholaus presbyter cardinalis tituli Sancti Cyriaci S Ego Umbaldus presbyter cardinalis tituli Sancte Crucis in Jherusalem S Ego Villanus presbyter cardin tituli Sancti Stephani in Celio monte S Ego Oddo diaconus cardinalis Sancti Georgii ad Velum aureum S Ego Octavianus diaconus cardin Sancti Nicholai in Carcere Tulliano S Ego Gregorius diaconus cardinalis Sancti Angeli S Ego Jacintus diaconus cardinalis Sancte Marie in Cosmydyn S Datum Viterbii per manum Roberti S R E presbyteri cardinalis et cancellarii XIIII kalendas decembris indictione IX Incarnationis Dominice anno MCXLV pontificatus vero domini Eugenii tercii pape anno primo