Charter Document - 02340247

In nomine sancte et individue Trinitatis Ego Bernardus Clarevallis vocatus abbas cognita que inter Hugonem episcopum Autisiodorensem et Willelmum comitem Nivernensem emerserat discordia pro quibusdam querelis que inter eos agebantur Autisiodorum veni et pari amborum consensu et voluntate querelas illas ad concordiam redactas feci terminari hoc modo In bosco qui dicitur Brueria episcopi facient communiter episcopus et comes haiam factamque communiter custodient ita quod singuli singulos ministros ejus custodie deputabunt et uterque ab ambobus fidelitatem excipiet eritque in sacramento eorum quod nullus homo sive animal in haia per occasionem capiatur Forifacta haie communiter percipientur que etiam forifacta hac ratione determinantur porcus ovis vacce cum lascivientes fugiunt tauros si in ea deprehense fuerint nihil emendabunt boves vacce equi asini capre et similia animalia si sine custode in ea inventa fuerint pro singulis singuli denarii persolventur Si custos affuerit tres solidos pro se emendabit Pro pecudibus nihil exigetur Si homo ligna cedens in ea inventus fuerit quindecim solidis emendabit incendium faciens sexaginta Itaque predicta forifacta haie numquam excedent prenominatas summas Haia non extendetur in latum ultra quadraginta perticas arpennales Si autem eamdem haiam contigerit aliquando seu vetustate seu aliqua occasione ad id devenire ut non sit si eam simul ibidem reparare voluerint licebit quod si noluerint terra remanens sive culta sit sive inculta ad dominium episcopi revertetur Omnia alia forifacta que extra haiam fient sine parte comitis episcopi sunt Statutum est de clericis ut omnino a potestate comitis liberi et immunes exsistant ita quod nec aliquid juris vel dominationis in eos ex aliqua occasione comes exercebit nec rebus eorum ubicumque sint manum aliquo modo mittere sibi vel alicui ministrorum suorum licebit Quod si in aperto latrocinii forifacto clericus fuerit deprehensus absque omni clericalis ordinis injuria seu indignitate episcopo vel ejus ministris reddetur ac deinceps siquidem contra ipsum a comite vel ejus ministris aut hominibus expostulabitur episcopus eis quantum jus et ratio dictaverit de eodem faciet satis Teloneum civitatis et suburbiorum ejus quia episcopo et comiti commune esse constat si aliquod forifactum inde commissum fuerit episcopus capitale suum per se recipiet cum ea lege qua quisque vivit et comes pro forifacto sexaginta solidos Si telonearius comitis seu aliquis clientum primus ceperit eum qui capitale episcopi abstulit capitale suum cum ea lege episcopo reddere faciet et si per ejus incuriam cum eodem capitali evaserit ipse pro illo episcopo de capitali et lege respondebit Servientes episcopi et quotquot erunt de familia ejus numquam justitiabunt se per comitem Omnia forifacta claustrorum videlicet claustri Sancti Stephani et claustri Sancte Marie et claustri Sancti Eusebii et Sancti Petri et Sancti Amatoris et ea que claustris continentur juris episcopalis sunt nec aliquam in eis exercere poterit comes potestatem nec pro aliquo fori facto cujuslibet hominis res que in claustris sunt in suam transferet potestatem Si aliquis laicus deprehensus fuerit in claustris in latrocinio cum una quacumque veste sua pro justitia facienda comiti reddetur Extra claustra autem quicumque laici latrones deprehensi fuerint et ipsi et res eorum comitis sunt exceptis illis rebus que in claustris nominatis continentur que proprie ad episcopum pertinent De terris censualibus manifestum est quod numquam licet comiti vel homini suo eas que de fundo sunt episcopi acquirere nisi per episcopum nec etiam aliquam decimam Bannum comitis observabunt tribus diebus omnes tam clerici quam laici qui in claustris morantur quibus transactis libere vendent Si episcopus vinum aut annonam comparaverit nihil gellagii vel alterius consuetudinis ab eo exigetur Episcopus servientes et homines comitis tam per se quam ecclesiasticos ministros pro christianitate submonebit et justificabunt se per eum Domus comitis et munitiones castrorum que ipse dignoscitur tenere ab episcopo scilicet Castri Novi Sancti Salvatoris Conade Mailliaci tradentur episcopo ad ejus beneplacitum ita tamen quod eo discedente comiti vel ministerialibus ejus cum integritate restituentur In boscis comitis episcopus accipiet necessaria sibi et ecclesie Sancti Stephani Dictum est et concessum de canonicis Sancti Stephani quod in bosco de Thul usuarium suum plenarie habebunt Cognitum est et a comite concessum quod non licet ei Autisiodori aliquam mutationem vel innovationem facere absque licentia episcopi de cujus feodo recognoscit se tenere quicquid habet Autisiodori et in circuitu ejus preter hoc quod continetur infra muros urbis extra claustrum quod tenet de domino rege et preter feodum ducis ultra pontem Comes res episcopi custodire debet ut suas proprias Si aliquis de potestate ejus aliquid de rebus episcopi aut hominum suorum ceperit comes reddi faciet aut de suo recompensabit Ad molendinos episcopi de Regioanne tale debet esse bochellum quod quidem navibus ascendentibus et descendentibus pervium sit De illis qui pisces vendunt comes habet quatuor creditarios in quibus episcopus nihil accipit Si ad alios telonearius episcopi primus advenerit et primus barguinaverit tantum accipiet quantum curia episcopi necesse habebit et idem telonearius comitis faciet Si pariter venerint pariter accipient quod invenerint Similiter in aliis victualibus facient Creditariam habet episcopus in omnibus victualibus quadraginta diebus exinde donec reddiderit ab eis quibus debetur nihil ei credetur Statutum est de mercatoribus qui vendunt in domibus suis quod a quindecim in quindecim dies vel a mense in mensem teloneario episcopi ventas reddent si quesite ab eis fuerint In nundinis libertatis calendarum maiarum telonei et ventarum due sunt partes episcopi tertia comitis Illique qui hos redditus recipiunt fidelitatem episcopo et comiti facient Episcopus in vineis suis propriis et in censualibus si illi voluerint quorum sunt vinee custodiam ponet si noluerint non cogentur Comes faciet similiter in Brueria tota cujuscumque fundus sit aut possessio episcopi et comitis venatio communis est et forifacta ad venationem pertinentia Actum Autisiodori anno ab Incarnatione Domini MCXLV episcopatus Eugenii pape III primo Huic rei interfuerunt abbates Stephanus Regniacensis Guido de Caroloco Balduinus de Castellione Gaufridus de Rupibus Raynaudus archidiaconus Gaufridus cantor Hugo decanus Meldensis Andreas de Baldement Landricus Bernardus Hugo de Castro Censurii Hugo de Tociaco presbyteri Gaufridus cellarius magister Anselmus Guido de Bichiaco Stephanus de Sancto Germano canonici Milites Guillelmus filius supra scripti comitis Hugo de Tilio Humbertus de Sancto Germano Siguinus de Tornella Odo de Tociaco Humbaudus Tortus Servientes Robertus prepositus comitis Humbaudus pistor Erveus prepositus episcopi Olannus cellarius et alii quam plures hinc et inde