Charter Document - 02340246
| Charter Number: | 02340246 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1145 |
| Date type: | Internal, A.D., Calendar, Papal |
| Resource Link(s): |
|
Charter:
Eugenius episcopus servus servorum Dei dilectis filiis Rainerio abbati S Marie Rotunde foris muros civitatis Autisiodorensis ejusque fratribus tam presentibus quam futuris vitam regularem professis in perpetuum Quoniam sine vere cultu religionis caritatis unitas non potest subsistere nec Deo gratum exhiberi servitium expedit apostolice auctoritati religiosas personas diligere et earum quieti auxiliante Domino salubriter providere Ea propter dilecti in Domino filii venerabilis fratri nostri Hugonis Autisiodorensis episcopi precibus inclinati vestris justis postulationibus clementer annuimus et prefatum locum in quo divino mancipati estis obsequio sub B Petri et nostra protectione suscipimus et presentis scripti privilegio communimus statuentes ut quascumque possessiones quecumque bona in presentiarum juste et canonice possidetis aut in futurum concessione pontificum liberalitate regum largitione principum oblatione fidelium seu aliis justis modis prestante Domino poteritis adipisci firma vobis vestrisque successoribus et illibata permaneant In quibus hec propriis duximus exprimenda vocabulis ecclesias S Marie Rotunde et S Mariani in suburbio Autisiodorensi sitas cum omnibus ad se pertinentibus exceptis illis que ad proprietatem et dominium episcopi pertinere videntur grangiam de Oisello cum omnibus terris que ad jus ecclesie B Marie pertinent in loco illo et in parochiis circa positis grangiam de Bosculo cum terris suis grangiam de Capella cum terris suis molendinum de stagno grangiam de Bunor cum territorio suo prebendam integram in ecclesia Sancti Stephani ita tamen ut in celebratione cotidiane misse pro defunctis canonicis et illius misse etiam quam presbyteri canonici per ordinem statutis hebdomadis celebrant debitum eidem ecclesie servitium impendatis Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis decimas exigere presumat Decernimus ergo ut nulli omnino hominum liceat prenominatum locum temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum gubernatione et sustentatione concessa sunt usibus tantummodo profutura salva sedis apostolice auctoritate et dioecesani episcopi canonica justitia Si qua igitur [] Ego Eugenius catholice ecclesie episcopus subscripsi Ego Conradus Sabinensis episcopus S Ego Albericus Hostiensis episcopus S Ego Ymarus Tusculanus episcopus S Ego Odo diaconus cardinalis S Georgii Ego Guido diaconus cardinalis SS Cosme et Damiani Ego Octavianus diaconus cardinalis in carcere Tulliano Ego Gregorius diaconus cardinalis S Angeli Ego Jacintus diaconus cardinalis S Marie in Cosmydym Ego Guillelmus presbyter cardinalis tituli S Callixti Ego Villanus presbyter cardinalis tituli S Stephani in Celiomonte Ego Bernardus presbyter cardinalis tituli S Clementis Data Laterani per manum Roberti S R E presbyteri cardinalis et cancellarii XIIII kalendas februarii indictione IX Incarnationis Dominice anno MCXLV pontificatus vero domini Eugenii III pape anno primo