Charter Document - 02340245
| Charter Number: | 02340245 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1145 |
| Date type: | Internal, A.D., Calendar, Papal |
| Resource Link(s): |
|
Charter:
Eugenius episcopus servus servorum Dei dilectis in Christo filiabus Elisabeth abbatisse de Crisenone ejusque sororibus tam presentibus quam futur is regularem vitam professis in perpetuum Quoniam sine vere cultu religionis nec caritatis unitas potest subsistere nec Deo gratum exhiberi officium expedit apostolice auctoritati religiosas personas diligere et earum loca pia protectione munire Ea propter dilecte in Christo filie venerabilis fratris nostri Hugonis Autissiodorensis episcopi precibus inclinati vestris justis postulationibus clementer annuimus et prefatum locum in quo divino mancipate estis obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona in presentiarum juste et canonice possidetis aut in futurum concessione pontificum liberalitate regum largitione principum oblatione fidelium seu aliis justis modis prestante Domino poteritis adipisci firma vobis vestrisque succedentibus et illibata permaneant In quibus hec propriis duximus exprimenda vocabulis molendina de Cren in episcopatu Senonensi decimam de Chasciaco furnum Autissiodori cum vineis vineas Varziaci territorium de Luciaco grangiam de Nertennaco cum territorio suo in episcopatu Nivernensi monasterium de Firmitate in quo congregationem sororum vestrarum posuistis et ad usus earumdem sororum quidquid Hugo de Limo et Petronilla uxor ejus Seguinus et Agnes uxor ejus Ogerus et Christiana uxor ejus de jure suo vobis dederunt in villa que dicitur Lunum in Luguen in Chalma in Coenni in Suenci in Tribus Aquis in Cigoniis in Chassennis et in Ruenni decimam quam Guillelmus Carolus et ejus uxor ad Linum habuerunt decimam partem piscium cluse Guillelmi comitis ad Disisam Prefatum vero monasterium de Firmitate sub regimine et obedientia vestra semper consistat Decernimus ergo ut nulli omnino hominum liceat prenominatum locum temere perturbare [] Ego Eugenius catholice ecclesie episcopus S Datum Laterani per manum Roberti sancte Romane ecclesie presbyteri cardinalis et cancellarii XIIII calendas februarii indictione VIII Incarnationis Dominice anno MCXLV pontificatus vero domini Eugenii III pape anno primo