Charter Document - 02340243
| Charter Number: | 02340243 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1144 - 1168 |
| Date type: | Assigned |
| Resource Link(s): |
|
Charter:
In nomine sancte et individue Trinitatis ego Hugo Dei gratia Senonensis archiepiscopus Quotiens pro ecclesiarum quiete et pace laboramus cure pastoralis officium nos gerere demonstramus Notum proinde fieri volumus universis presentibus pariter et posteris quod Fromundus de Joviniaco cognomento Quarterius pro tali parte quam habet in nemore quod Palestel appellatur ipsum nemus habendum canonicis Sancti Mariani Autisiodorensis ad omnes suas utilitates faciendas per omnes domos suas imperpetuum concessit excepto hoc quod nec dare nec vendere nec cinerem facere nec nemus excorticare eis licebit Concessit etiam eis de ipso nemore disrumpere et excolere si agros suos vellent dilatare ad victum nutrimentorum suorum glandem et quicquid ad escam pecorum pertinet pari modo concessit Hanc pactionem concesserunt et laudaverunt ambe uxores sue unaqueque suo tempore de quarum hereditate ipse Fromundus sicut maritus et patronus earum nemus predictum possidet Laudaverunt et hoc liberi prioris uxoris Altera vero uxor quando conventio facta est de ea parte que ad ipsam pertinet nondum filium aut filiam habuerat Ne igitur de his omnibus canonicis in posterum dampnosa contentio oriretur pretaxatam conventionem conscribi sigillique nostri caractere fecimus communiri Hujus rei testes sunt Guillelmus prepositus Odo decanus Theobaudus prepositus regis Daimbertus filius Teburgis