Charter Document - 02340237
| Charter Number: | 02340237 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1144 |
| Date type: | Assigned |
| Resource Link(s): |
|
Charter:
Lucius episcopus servus servorum Dei dilectis filiis Pontio abbati Vizeliacensi ejusque fratribus salutem et apostolicam benedictionem Predecessor noster felicis recordationis Paschalis sicut ex scriptis illius intelleximus episcopis per Galliam precipiendo mandavit ut interfectores abbatis Artaldi Vizeliacensis quia dominum suum et presbyterum et abbatem tam nequiter occiderant secundum penitentie dignum modum in exilium detruderent et si obedire nollent eos excommunicationi subjicerent Prohibuit etiam ut nunquam Vizeliacensi abbati vel preposito alicui fas sit eosdem homicidas in eodem monasterio ad habitandum suscipere Nos itaque preceptum confirmantes ipsius super hoc apostolica auctoritate prohibemus ut nec ipsi nec eorum heredes [nominatim Stephanus Autissiodorensis clericus qui cum te dilecte in Domino fili abba in presentia venerabilium fratrum nostrorum Godefridi Lingonensis episcopi et Bernardi Clarevallensis abbatis super hoc in causam traxisset eorum judicio sicut accepimus a causa decidit] monasterium ipsum ulterius inquietare presumant interdicimus Et ne cui abbati vel preposito eos in Vizeliacensi burgo de cetero ad habitandum suscipere liceat prohibemus Datum Laterani VI idus aprilis