Charter Document - 02340234
| Charter Number: | 02340234 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1143 - 1168 |
| Date type: | Assigned |
| Resource Link(s): |
|
Charter:
In nomine Domini ego Hugo Senonensis archiepiscopus notum fieri volumus tam futuris quam presentibus quoniam filii Stephani de Toriniaco Seguinus scilicet Stephanus et Burlicanus terram quam apud Sanctum Clementem habebant reddentem de censu singulis annis XXV solidos et quicquid in eadem terra habebant vendiderunt domno Rainardo ecclesie Beati Johannis evangeliste abbati et canonicis eidem ecclesie servientibus Venditio ista in presentia nostra ex utraque parte publice recognita est et confirmata Ut autem in eternum firma et rata existat sigilli nostri impressione subpositis testibus munimus Affuit ibi Salo vicecomes et Garinus filius ejus Hugo prepositus regis Fulco prepositus vicecomitis Teobaudus monetarius Constancius filius Ribaudi et filius ejus Phylippus Odo filius Teobaudi Huic confirmationi defuit Burlicanus sed postea confirmavit in nova ecclesia Sancti Stephani in presentia Hervei prepositi Symonis thesaurarii Theonis Roberti canonicorum Sancti Stephani Fuerunt ibi canonici Sancti Johannis Constantinus Odo Stephanus Fuerunt ibi Guiardus miles Stephanus frater ejus Willermus Gorgias Girardus Gravericus