Charter Document - 02340233
| Charter Number: | 02340233 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1143 - 1159 |
| Date type: | Assigned |
| Resource Link(s): |
|
Charter:
Prope Pimellam villam Sancti Michaelis quoddam desertum habetur in quo antiquitus villa fuisse constat que Parson appellabatur finagium etiam et silva ad eandem villam pertinens erat que eodem nomine Parson dicebatur Hujus ville et finagii atque silve dominium ad trium dominorum jus pertinebat abbatis scilicet Sancti Michaelis et Milonis de Nuceriis et cujusdam militis nomine Desiderii medietas Milonis erat alterius partis medietas inter abbatem et Desiderium tali modo dividebatur ut due partes ad abbatem ad Desiderium vero tercia pars pertineret Tres isti quorum nomina prediximus communi tractatu et consilio amicorum suorum pactum inierunt ut homines Pimelle habitantes predictam silvam Parson exstirparent et ad planitiem camporum usque ad terminos quos constituerunt deducerent et agrorum culturam ibi exercerent et tercias atque corveyas insuper et duos quartallos annone frumenti unum alterum avene singuli singulis annis redderent et pro hujusmodi reditibus in predicta silva omnes necessarios usus tam in pascuis pecorum quam in omnibus aliis commoditatibus lignorum haberent Hec pactio sub his conditionibus quas descripsimus inter Petrum abbatem Sancti Michaelis et Milonem de Nuceriis et predictum militem Desiderium facta est coram his testibus quorum nomina sunt hec Hugo frater ejusdem Milonis Helias de Rubeo Monte Desiderius et Matheus fratres Hugo de Sarriniaco Joffredus Caseria Odo Venator Thebaudus de Bavin ex nostra parte Robertus Petrus Girardus Guido famuli abbatis Robertus de Gemellis Lambertus Gilbertus