Charter Document - 02340228
| Charter Number: | 02340228 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1143 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Notum sit omnibus tam presentibus quam futuris quod ego Salo de Boolli recognosco confirmo et laudo commutationem factam inter me et monachos Pontiniacenses scilicet quod ego Salo dono Deo et Sancte Marie et fratribus Pontiniaci quidquid habeo proprii juris in territorio toto Creciaci et Dochei sicut via dividit que de Sancto Florentino ducit per pontem Evrole ad Bellam Chalmam et ex alia parte sicut filum Ermentionis portat preter census et consuetudines meas et pro his recipio in commulationem a Pontiniacensibus quidquid habent Silliniaco et Ruvreio ex parte Walterii filii Bertranni et Walterii Bozsacrez qui ambo fuerunt monachi Pontiniaci et prata insularum que idem Walterius filius Bertranni tenuit in suo dominio sine censu suo et sine saliceto et quidquid habent ex parte ejusdem Walterii ad Altam Ripam preter campum ulmi qui est inter duas vias et quartum saliceti quod habent ex parte Odeline ultra aquas versus Booliacum et quidquid habent apud Britoneriam Hec commutatio utrinque tali pactione firmata est ut si aliqua contrarietas evenerit alicui eorum ex his rebus quas commutant invicem se acquitabunt et manutenebunt jure Sciant et omnes hujus cambitionis alteram cartam factam fuisse sed in die egressionis mee de Silliniaco ad Jerusalem in confirmatione presentis carte irritam mansisse cum enim ex prima conventione Britoneriam mihi acquitare non potuissent recepi tandem ab eis pro omni acquitatione sexdecim libras ita scilicet ut de eadem Britoneria neque in nemore neque in terra neque in aliqua consuetudine sive quacumque calumnia adversus quemcumque hominem nihil omnino preter censum et tertiam acquitabunt Hoc totum [] distinctum est laudat Emelina uxor mea et Hugo frater meus et Daimbertus de Silliniaco de cujus casamento tenui ista que monachis commuto a quo etiam in casamentum recipio que monachi mihi commutant Laudant etiam hoc fratres Daimberti Burchardus et Stephanus Hujus rei testes sunt Guido clericus Iterius de Merliniaco Willelmus de Pruneto Helias de Genesta Joviniaci Stephanus Euneus Stephanus Buissun Guido de Chanei Roscelinus de Mees Actum apud Silliniacum anno ab Incarnatione Domini millesimo centesimo quadragesimo tertio Ludovico Francorum rege et Aquitanorum duce