Charter Document - 02340226
| Charter Number: | 02340226 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1143 |
| Date type: | Internal, A.D. |
| Resource Link(s): |
|
Charter:
Notum sit omnibus hominibus tam futuris quam presentibus quod comes Theobaldus Blesensium Odoni duci Burgundie apud Angutinam fecit hominium et cognovit quatinus abbatia Sancti Germani Autissiodorensis de feodo ducis erat et tenebat et Chelulcie erant cum omnibus appendiciis suis et Merlenneum castrum cum omnibus appendiciis et Arvicum castrum cum omnibus appendiciis suis et castrum Sancti Florentini cum omnibus appendiciis et comitatus Trecarum totus et ipsas Trecas de feodo ducis tenebat et Rutiscum castrum quod est situm super aquam nomine Angion Testes ex parte Theobaldi Guido comes de Barro homo suus Odoinus de Vandeuvra homo suus Vautherius de Berno miles suus dominus Henricus filius comitis Theobaldi Golbertus de Firmitate homo suus dominus Bucius de Arivio Testes ex parte ducis Odonis homines sui Villermus de Marenniaco Aymo de Divione Poncius de Frollesio Raimundus de Granceio et Golbertus fratres ejus Hugo de Chavalcheia Girardus de Castellione Acta sunt hec anno ab Incarnatione Domini millesimo centesimo quadragesimo tertio