Charter Document - 02340224
| Charter Number: | 02340224 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1143 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Hugo Senonensis archiepiscopus notum facio omnibus tam futuris quam presentibus quod Seguinus de Sancto Florentino cognomento Furans Canem concedit et laudat in manu Guichardi Pontiniaci abbatis donum quod se laudante mater sua Alpacia et frater suus Guarmundus dederant in manu Hugonis ejusdem loci abbatis quod donum ut fratres Pontiniaci quiete et libere in perpetuum possideant ita distinctum fieri voluit videlicet totam terram que in territorio Challiaci jure hereditario se contingebat et si quis aliquid ibi de se in casamentum habebat vel habere debebat et ut in omni quod de silva que vocatur Ota ad se jure pertinuit sive pertinet predicti fratres omni tempore faciant et accipiant libere et sine contradictione ad opus Challiaci et ipsius abbatie et aliarum grangiarum suarum quidquid in suos et animalium suorum usus facere vel sumere voluerint ut plenius et apertius hoc donum describatur ferrum et apes nemus et explanare et in agriculturam redigere si voluerint Concedit casamentum quoque Bosonio apud Sanctam Porcariam et quod ipse Seguinus apud Campum Inventum habebat quodque Salo ibidem de eo tenebat in eleemosinam Pontiniacensi ecclesia iterum concedit et laudat Olchiam et quandam quam ipse in territorio Creciaci habebat insuper donat Concedit et eisdem monachis in Valle Severe si ita voluerint ad custodiam pecorum suorum et custodientium ea juxta fontem domos construere Hec ut memorata sint laudat Regina uxor ipsius Seguini Hujus rei testes sunt Thomas sacerdos de Sancto Florentino Guillelmus frater Herberti Evroardi Herbertus Crassus Ansellus Surdus Avinus Johannes serviens prefati Seguini Petrus Turgisius Radulfus serviens Herberti Crassi Theobaldus filius Guillelmi de Venisiaco Calo de Varginiaco Actum anno ab incarnatione Domini millesimo centesimo quadragesimo tertio Celestino summo pontifice regnante Ludovico rege Francorum et duce Aquitanorum