Charter Document - 02340217

Innocentius episcopus servus servorum Dei Guichardo dilecto filio Pontiniacensi abbati ejusque successoribus regulariter substituendis in perpetuum Habitantes in domo Dei in sinceritate karitatis unanimes conservent unitatem spiritus in vinculo pacis pure namque mentis religio indissolubili divini amoris glutino confirmata vultum clementissimi creatoris ut terrena celestibus conjungantur et ima superis socientur mundis orationibus incessanter profusius inclinat Quia igitur fratres Pontiniacensis monasterii a cura seculari liberos et divinitus obsequiis mancipatos pie vivere ac religiose cognovimus idcirco in Domino dilecte fili Guicharde abbas tuis justis peticionibus duximus annuendum Statuimus itaque ut quascumque possessiones aut bona ad eundem locum impresentiarum juste et canonice pertinere noscuntur aut in futurum concessione pontificum liberalitate regum vel principum oblatione fidelium seu aliis justis modis auxiliante Domino ei conferri contigerit firma tibi tuisque successoribus et illibata permaneant Confirmamus etiam vobis usuariam per totam silvam que dicitur Otta quemadmodum animalibus domibus omnibusque necessariis vestris ab Henrico Senonensi archiepiscopo et Attone Trecensi episcopo vobis rationabiliter concessa est et eorum scriptis confirmata et quum ubi spiritus Domini ibi libertas ut liberius divinis famulatibus valeatis insistere et purgata mentis acie contemplationi vacare prohibemus ne aliquis archiepiscopus aut episcopus te vel successores tuos seu aliquem abbatem Pontiniacensis ordinis indebitis vexationibus fatigare vel circa regulam inquietare presumat Porro conversos vestros qui monachi non sunt post professionem factam in vestris cenobiis nullus archiepiscoporum episcoporum vel abbatum sine vestra grata licentia suscipere aut susceptum retinere presumat Verum quoniam sicut B Gregorio Augustinum Anglorum episcopum instituente didicimus communi vita viventibus jam de faciendis portionibus vel exibenda hospitalitate et adimplenda misericordia nobis quid erit dicendum cum omne quod superest in causis piis ac religiosis erogandum est Domino magistro omnium dicente Quod superest date elemosynam et ecce omnia munda sunt vobis statuimus ut de laboribus quos vos et totius vestre congregationis fratres propriis manibus et sumptibus colitis et de animalibus vestris a vobis decimas expetere vel recipere nemo presumat Nulli ergo hominum liceat [] Ego Innocentius catholice ecclesie episcopus Ego Conradus Sabinensis episcopus ego Albericus Hostiensis episcopus ego Stephanus Prenest episcopus ego Igmarus Tusculanus episcopus ego Guido sancte Romane ecclesie indignus sacerdos ego Guido presb card tit S Grisogoni ego Gregorius diaconus card SS Sergii et Bacchi ego Otto diac card S Georgii apud Velumaureum Dat Laterani per manum Gerardi sancte Romane ecclesie presb card X kalendarum januarii indictione VI Incarnationis dominice anno MCXLII pontificatus vero domni Innocentii II pape anno XIII