Charter Document - 02340207
| Charter Number: | 02340207 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1140 |
| Date type: | Assigned |
| Resource Link(s): |
|
Charter:
Ludovicus Dei gratia Francorum rex et dux Aquitanorum universis prepositis et servientibus nostris salutem Summum in regibus bonum esse cognoscimus religiosorum necessitatibus speciali quadam libertatis prerogativa subvenire Ea profecto consideratione religiosis de Deiloco per universam terram nostram cum universis rebus suis liberum et securum transitum dedimus et tantam libertatem concessimus ut ubicumque locorum in terra nostra nullus omnino vel hominum vel servientium nostrorum de propriis rebus illorum theloneum vendam seu aliam aliquam consuetudinem capere vel exigere de cetero jam presumat Quod ut ita perpetuo ratum habeant universis prepositis et servientibus nostris ita tenendum precepimus et per presentia scripta significamus []