Charter Document - 02340204
| Charter Number: | 02340204 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1139 |
| Date type: | Internal, A.D., Calendar |
| Resource Link(s): |
|
Charter:
Summe charitatis est miserias miserorum relevare pauperibus Christum sequentibus communicare fidelium piis petitionibus acquiescere Quapropter ego Stephanus Eduensis ecclesie episcopus licet indignus Petre Reomaensis ecclesie venerabilis abba tue devotionis precibus acquiescens ecclesiam Tisiaci ecclesiam de Jox ecclesiam Sancte Magnentie ecclesiam de Suenciaco ecclesiam Rouvredi ecclesiam que dicitur Sancti Medardi ecclesiam Sancti Germani de Mundaum ecclesiam de Juniaco ecclesiam Charreii in honore Sancti Petri constitutam cum appendiciis earum ad nos pertinentibus pro remedio anime mee Reomaensi ecclesie Sancti Joannis cui presides concedo Quas etiam necessitatibus fratrum nostros predecessores hujus sancte sedis presules concessisse et easdem ab ecclesia Reomaensi diu possessas non ignoro Donationes earumdem consilio archidiaconorum nostrorum Gaufridi Siguini Humberti confirmo et confirmans sigilli nostri autoritate corroboro laudante capitulo testantur isti Obertus prior Sancti Symphoriani Guido monachus qui erat cum abbate Ebrardus Avalonensis archipresbyter Arnulfus ecclesie Sedeloci decanus et archipresbyter Girardus Lucciacensis prepositus Galterius capellanus Joannes canonicus Josbertus de Monteforti Gentinus presbyter Boso presbyter Rotbertus capellanus de Monte Regali Theobaldus presbyter de Corentiaco Rotbertus de Domno Petro presbyter Albertus miles de Subernio Arnulfus miles de Liniaco Durandus cliens Reomaensis ecclesie Lambertus maior ejusdem ecclesie Bernardus de Sancto Georgio Vuicardus serviens et alii quam plures Acta sunt hec Edue publice anno ab Incarnatione Domini MCXXXIX regnante Ludovico rege Juniore Odone duce Burgundie mense maio VIII kal junii luna XII epacta VII indictione I concurrente V Innocentio Romane sedis cathedram gubernante Hoc privilegium totidem verbis innovavit anno post hunc octavo Humbertus Eduensis episcopus Eugenio III pontifice testibus Guillelmo Fontanetensi abbate Bauduino Castellionensi abbate Guillelmo et Milone Fontanetensibus monachis Guidone Clarevallensi monacho Theobaldo priore Guidone Odone altero Odone Drogone Gaufredo Henrico Nicolao Flavigniacensibus monachis Henrico archidiacono subscribente eodem rege et duce ideoque hoc loco est omissum