Charter Document - 02340203
| Charter Number: | 02340203 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1139 |
| Date type: | Internal, A.D. |
| Resource Link(s): |
|
Charter:
In nomine Domini ego Ludovicus Dei gratia rex Francorum et dux Aquitanorum notum fieri volumus universis prepositis et servientibus nostris quod nos in foresta nostra Senonensi que Ota vocatur Pontignaci obedientie que Challetum vocatur pascua libera in eternum dedimus et concessimus ut animalia sua libere ibi perpetuo pascantur Quod ut perpetue stabilitatis obtineat munimentum scripto commendavimus et sigilli nostri auctoritate et nominis nostri karactere subter firmavimus Actum publice Parisius anno incarnati Verbi MCXXXVIIII regni nostri tertio astantibus in palatio nostro quorum nomina subtitulata sunt et signa Signum Radulphi Viromandorum comitis dapiferi nostri S Guillelmi buticularii S Mathei constabularii S Mathei camerarii Data per manum Algrini cancellarii