Charter Document - 02340202
| Charter Number: | 02340202 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1139 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis ego Ludovicus Dei gratia rex Francorum et dux Aquitanorum notum fieri volumus tam futuris quam instantibus quatinus pro remedio anime nostre et antecessorum nostrorum canonicis Premonstrati ordinis morantibus in loco qui dicitur Deilocus forestam nostram de Ota perpetuo concessimus ad omnes usus ad calefaciendum ad domos suas edificandas ad porcos et pecora sua pascenda Et ne ecclesia illa ab aliquo inquietari possit preter voluntatem ipsius ecclesie stabulum porcorum et omne edificium infra leugam regia auctorite prohibemus Quod ne valeat oblivione deleri scripto commendari voluimus et ne possit a posteris infirmari sigilli nostri auctoritate et nominis nostri caractere subter firmari precipimus Actum Senonis publice anno ab incarnatione Domini MCXXXIX regni nostri anno III astantibus in palatio nostro quorum nomina sub titulata sunt et signa dapifero nullo S G buticularii S Mathei constabularii S Mathei camerarii Data per manum Algrini cancellarii