Charter Document - 02340200
| Charter Number: | 02340200 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1139 |
| Date type: | Internal, A.D. |
| Resource Link(s): |
|
Charter:
Henricus Senonensis archiepiscopus notum fieri volumus cunctis presentibus et futuris quod venerabilis Hugo Autissiodorensis episcopus et cum eo Bernardus Clarevallensis et Guichardus Pontiniacensis abbates sancti et religiosi viri a nobis petierunt ut Guichardo Pontiniacensi abbati et monachis ibidem Deo servientibus usum nemorum nostrorum ubi per Hotam extenduntur habere permitteremus Quorum petitioni tum propter quasi cogentem postulantium sanctitatem tum rei ipsius propter justam necessitatem assensum prebuimus scientes quoniam illud quod scriptum est Benefacite eis qui vos oderint nundum attendunt qui se diligentibus et eis maxime qui se pro suis et fratrum ignorantiis affligentes in corde contrito et spiritu contribulato dignum Deo sacrificium offerunt beneficia sua non largiuntur Ea propter ego Henricus Senonensis archiepiscopus dono imperpetuum Guichardo abbati et fratribus Pontiniaci eorumque animalibus universalem usum nemorum nostrorum ubicumque per Hotam extenduntur Quod ut ratum cunctis diebus et inconcussum permaneat litteris assignare et sigilli nostri impresso munimine corroborare curavimus Actum Senonis anno ab Incarnatione Domini MCXXXIX indictione II concurrentibus VI S Teobaudi archidiaconi S Symonis archidiaconi Gastinensis S Anselli archidiaconi S Symonis Pruvinensis archidiaconi S Symonis Stampensis archidiaconi Leobaudus capellanus scripsit