Charter Document - 02340199

In nomine sancte et individue Trinitatis Ego Hugo Autissiodorensis episcopus notum fieri volo tam presentibus quam futuris quod monachi Pontiniacenses et Salo filius Garmundi de Bodoliaco presentibus Manasse Trecensi archidiacono Nicholao Adremati monasterii monacho Daimberto Silliniacensi Ansello Merliniaci Guiardo de Chaniaco Rocelino de Manso nostram adiere presentiam rogantes quatinus quarumdam terrarum commutationes quas inter se fecerant scripto insererem idque sigilli nostri impressione munirem Quorum peticioni annuentes qualiter eadem commutatio facta sit infra subscripsimus et ut in perpetuum rata permaneat sigilli nostri impressione firmavimus Ego Salo de Silliniaco inprimis trado atque concedo Deo et Beate Marie Pontiniacensi et fratribus ejusdem loci totam terram nemus et planum que habeo in territorio Creciaci a via que ducit a S Florentino per pontem Avrole ad Bellam Calmam usque ad rectum cursum Hermentionis jure perpetuo possidenda census autem et costumas cum meis propriis pratis excipio In secundo loco nos monachi Pontiniacenses Guido scilicet Gauterius cellararius atque Gauterius cognomento Bozsacrez jussu domni Vichardi abbatis pro supra scripte terre commutatione tradimus tibi Salo atque concedimus quicquid habemus in presenti ab Ermentione usque ad Britoneriam et ipsam Britoneriam nemus et planum ad integrum et quicquid habemus apud Altam Ripam et Silliniacum ex parte Gauterii filii Bertranni et partem noerie que fuit Gauterii Bozsacrez et prata de Insulis absque bosco Concedimus quoque prata de subtus Roboretum que Gauterius et pater ejus Bertrannus hereditarie tenuerunt et totum allodium quod in territorio Roboreti predictus Bertrannus et Gauterius Bozsacrez similiter tenuerunt Si quid autem de supradictis commutatis inter nos alicui nostrum ab aliquo calumniatum fuerit ille qui tradidit et concessit per jus ei cui concessum est acquietabit aut si facere non potuerit ad dictum Daimberti Silliniacensis Guillelmi de Merliniaco Guiardi clerici competenti escambio terre vel redditus restaurabit si vero restaurare noluerit ad illud quod tradidit de quanto damnum patietur accepti se vertet Hec commutatio facta est anno ab Incarnatione Domini MCXXXVIIII Innocentio II papa Ludovico Francorum rege et Aquitanorum duce Ego Salo laudavi et Amelina uxor mea laudavit etiam domnus Avalo et Agnes uxor ejus Hujus rei testes sunt Daimbertus Bochardus Stephanus Ansellus de Merliniaco et Iterius frater ejus Guiardus clericus Stephanus de Sancto Florentino