Charter Document - 02340194
| Charter Number: | 02340194 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1138 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Ego Godefridus Dei gratia Lingonensis episcopus concedo tibi venerabilis frater Gervasi abba Sancti Germani Autissiodorensis et ecclesie tue perpetuo possidendam decimam de Verginiaco que de feodo nostro et dominio descendit ita sane ut cum archiepiscopus Senonensis concesserit vobis super hac censum persolvi et concordiam inter nos factam laudaverit in die festi sancti Mammetis cathedre et ei qui missam cantaverit tres solidos lingonensis monete persolvatis Concedimus etiam tibi et ecclesie tue ut liberam habeatis potestatem eligendi sacerdotes in omnibus ecclesiis quas in episcopatu Lingonensi habetis ita tamen ut ad nos vel ut ad decanum nostrum adducantur a quibus si recipiendi fuerint curam animarum suscipiant et si quid in rebus vestris fore fecerint in curia vestra justicie vestre subjaceant Huic actioni interfuerunt Guichardus abbas Pontiniacensis Stephanus et Pontius archidiaconi Lingonenses magister Ansellus Milo de Sanctis canonici Lingonenses Milo decanus Latiniaci Willelmus nepos ejus Lambertus capellanus archidiaconi Petrus presbyter Latiniaci