Charter Document - 02340185

In nomine sancte et individue Trinitatis Notum sit omnibus christianis presentibus et futuris quod Jobertus Capellus laudante Gaufrido filio suo canonico et filio suo Johanne milite laudantibus et uxore ipsius Johannis Germensendis et filiis suis Olderio et Girardo dedit fratribus Sancte Marie de Fontismo perpetuo jure possidendam libere et absque ulla retentione totam terram quam habebat in villa Regniaci sicut clauditur his terminis via scilicet publica que a Vermentonio tendit Lusiacum et rivulo qui dicitur li Lesirs et fluvio Chora et terminatione que per cruces et metas facta est a supradicta via publica usque ad fluvium Choram tali etiam conditione ut a Vermentonio usque ad predictam datam terram intra fluvium Choram et supradictam viam publiam nec herbergaret rusticos nec faceret domos Dedit etiam quicquid habebat in molendino de Brualt supra fluvium Chore et quicquid habebat in molendino Bernerii qui est de fonte Et pro his omnibus videlicet terris molendinis et conventionibus habuit idem Jobertus LXX libras Autissiodorensis et Nivernensis monete Testes Hugo episcopus Autissiodorensis Ato archipresbyter Joscelinus celerarius magister Jonas Stephanus Bernardus Gabaricus Willelmus comes Nivernensis Humbaldus de Montenesio Gaufridus de Villario Arnaudus de Tusciaco Iterius de Porta Odo de Draciaco Giraldus de Silligniaco Stephanus Othlandus [] Laudavit Hugo episcopus de cujus feodo movebat terra Testes ejus laudationis Hugo decanus Sancti Petri et Gaufridus Capellus Hoc etiam laudavit Gaufridus de Donziaco apud Castrum Rainardi qui hanc terram tenebat ab episcopo Hujus laudationis testes Agano de Castellione Arnaudus de Tusciaco Adam de Marchia Hoc etiam laudavit Petrus de Fontaneto apud Castrum Censurii qui hanc terram tenebat a Gaufrido de Donziaco Laudavit Buccardus Borserius qui tenebat hanc terram de Petro de Fontaneto et de quibus tenebat hanc terram Josbertus Capellus qui eam donavit Insuper dedit Josbertus predictis fratribus pasturas terre sue