Charter Document - 02340180
| Charter Number: | 02340180 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1135 |
| Date type: | Internal, A.D., Papal |
| Resource Link(s): |
|
Charter:
Innocentius episcopus servus servorum Dei dilecto filio Alberico abbati de Quinceio ejusque successoribus regulariter substituendis[] Quanta cordi nostro letitia de vestre congregationis religione laudabili generetur ille profecto cognoscit qui renum et cordium scrutator existit vos enim de Pontiniacensi monasterio utpote apum examina exeuntes longe lateque alvearia innumera celesti manna repletis et multorum sitientium corda aque salientis in vitam eternam salutari doctrina imbuendo reficitis Ea propter sacrum collegium vestrum vere caritatis affectione diligimus et monasterium beate Dei genitricis in quo divino vacatis servitio apostolice sedis suffragio communimus statuentes ut quecunque bona quascunque possessiones in presenti duodecima indictione juste et canonice possidetis quecumque etiam in futurum concessione pontificum largitione regum vel principum oblatione fidelium seu aliis justis modis rationabiliter poteritis adipisci firma vobis in perpetuum et illibata permaneant in quibus hec nominatim duximus exprimenda locum ipsum videlicet de Quinceio locum de Fontanis locum de Baterio Decernimus ergo ut nulli omnino hominum fas sit prefatum cenobium temere perturbare aut ejus possessiones auferre vel ablatas retinere minuere seu quibuslibet molestiis fatigare sed omnia integra conserventur eorum pro quorum gubernatione et sustentatione concessa sunt usibus profutura Si qua igitur in posterum ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non reatum suum congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei et Domini nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone operationis percipiant et apud districtum judicem premia eterne pacis inveniant amen amen amen Ego Innocentius catholice ecclesie episcopus ego Guillelmus Prenestinus episcopus ego Lucas presbyter cardinalis tituli SS Johannis et Pauli ego Romanus diaconus cardinalis S Marie in Porticu ego Gregorius diaconus cardinalis SS Sergii et Bacchi ego Oddo diaconus cardinalis S Georgii ad Velum aureum Data Pisis per manum Aymerici S R E diaconi cardinalis et cancellarii IV Idus octobris indict XII Incarnat Domini anno MCXXXV pontificatus domini Innocentii pape II anno V