Charter Document - 02340179

In nomine sancte et individue Trinitatis Ego Godefridus Dei gratia Lingonensium episcopus notum fieri volo omnibus hominibus presentibus et futuris quod Helias de Rugemunt Rogerius de Ancy et Bernardus Ambesas dederunt ecclesie Quinciacensi et fratribus inibi Deo servientibus in manu domini Alberici tunc temporis loci illius abbatis quandam terram in finagio de Cumissi que antiquitus Arche nunc Quinciacum appellatur que terra incipit a foresta que est inter abbatiam et villam de Cumissi et descendit ad quercum que est juxta fontem inferius transcendens per crepidinem montis usque ad alteram quercum que erat ultra eundem fontem superius transeundo montem venit per mediam vallem quantum durat ipsum finagium de Cumissi inde ad fossatum qui ducit ad predictam forestam quem fossatum ibidem monachi pro signo fecerunt Emerunt deinde monachi quemdam molendinum in ipsius fontis margine constitutum a quibusdam rusticis hereditario eum jure possidentibus quod et ipsum laudaverunt predicti milites laudaverunt et fontem et pratum et omnia que ibi erant usque ad vadum quod erat in via que de Ruiniaco venit ad Cumissi in quo dono nihil retinuerunt milites Postea alii milites Stephanus et Petrus et Boemundus de Melise dederunt memorate ecclesie pro sorore sua quam monachi apud Julliacum collocaverunt quartam partem totius finagii quam habebant in villa de Cumissi Dedit et alius miles Stephanus de Noyers eidem ecclesie propter duas filias suas apud Fussiacum a monachis collocatas alteram quartam partem totius finagii predicte ville sicque monachi totius illius territorii dimidium possidebunt Postea vero militibus videlicet Helia Rogerio et Bernardo monachisque pro ville finagio inter se discordantibus tali pacem conventione reformavi ut quidquid citra forestam erat ex ea parte qua habitant monachi solutum ac liberum perpetuo jure sine ulla contradictione habeant monachi excepto usu pascuarum et nemoris ad calefaciendum tantum et edificandum hominibus intra Cumissi villam manentibus glandes vero si nemus attulerit monachorum erunt De predicta quoque foresta prout ejus tenditur longitudo ex parte abbatie de grosso nemore decem thesias in latum absque omni retinimento monachi possideant eo modo ut sicubi nemus defuerit in longitudine de adjacenti plano ipse decem thesie compleantur a quibus decem thesiis quidquid ultra habebant monachi ex parte ville reliquerunt militibus Ipsi vero milites si quis forte aliquam calumniam vel injuriam de his donationibus monachis facere voluerit promiserunt se vel pacificaturos omnia vel mutatione congrua redintegraturos ablata Notum item facio prememoratos milites Heliam Rogerium et Bernardum donasse sepe dictis monachis finagium loci qui dicitur Mansum a predicto fossato usque ad viam que ducit a Castellione usque ad Tornodorum et ultra viam terram in qua sunt molendini et alterum terram que est inter duas aquas quos molendinos monachi pro illius terre donatione fecerunt tali conventione ut milites dimidium redituum eorum molendinorum accipiant ita sane ut omnia ad molendum necessaria communiter ex utrorumque parte ministrentur molendinarius autem per manus monachorum intret et exeat sic tamen ut fidelitatem militibus faciat gardia autem et justitia et quidquid preter usum molendi reddiderint molendini proprie monachorum erunt Has omnes donationes laudavit Josbertus de Tillio et filii ejus de cujus casamento erant laudavit et Milo de Noyers laudavit et supra dictorum militum universa progenies Hujus rei testes sunt Guillermus comes Nivernensis Guido comes Barri Oliverius de Lisennas Milo decanus Petrus de Melise Hugo et Petrus fratres monachi Pontiniacenses Hec omnia idcirco in conspectu nostro recitata recognita et ex utraque parte concessa atque laudata sunt nostroque sigillo signata atque munita ut si forte ex conventionibus ex utralibet parte quilibet exire vel quispiam fraudare presumpserit Dei et nostra authoritate anathematis sententie se noverit subjacere