Charter Document - 02340172
| Charter Number: | 02340172 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1133 |
| Date type: | Internal, A.D., Episcopal, Regnal |
| Resource Link(s): |
|
Charter:
In nomine Domini Henricus Dei gratia Senonensis archiepiscopus notum facimus presentibus et futuris quoniam temporibus nostris quidam miles de castro Milo de Curteno dictus quasi paterno et hereditario jure usur[] partem decime pertinentis ad ecclesiam ville que dicitur Vicus Novus dimidiam scilicet partem decimatis annone excepto quod Girardus miles particeps communi prius sumebat sibi modium unum sex frumenti sextarios et sex annone reliquam ipsi duo equaliter inter se dividebant preter quod in decima que dicitur de Cane habebat Milo quartam pertem vinum vero et alias minutas decimas inter se dividebant equaliter Verum Milo predictus et a sapientibus viris eruditus quod decimam illam absque periculo anime detinere non posset accedens ad nos deposuit eam in manu nostra rogans bueremus ecclesie Beati Johannis evangeliste et canonicis regularibus servientibus ubi scilicet mater ipsius Milonis vidua divinis insistebat obsequiis et frater ejus Rainaudus sepultus quiescebat Cujus preces gratanter suscipientes predicte ecclesie Beati Johannis decimam illam diligenter attribuimus et perpetuo tenore firmamus habendam cum parte oblationis predicte ecclesie de Vico Novo quam partem a tempore predecessoris nostri tenuerat eadem ecclesia Beati Johannis de beneficio et elemosina Rainaudi clerici fratris supradicti cum assensu domni Daimberti archiepiscopi Datum Senonis in pontificali domo Henricus archiepiscopus subscripsit Simon archidiaconus S []dus archidiaconus S Petrus [] S Ansellus archidiaconus S Guilelmus archidiaconus S Data mensi novembri anno ab Incarnatione Domini MCXXXIII indictione XII episcopatus domni Henrici anno XI regnante Ludovico rege anno XXV [] mon cancellarius S