Charter Document - 02340163
| Charter Number: | 02340163 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1130 - 1136 |
| Date type: | Assigned |
| Resource Link(s): |
|
Charter:
In nomine Domini ego Hugo Dei gratia Autisiodorensis episcopus notum fieri volo presentibus et futuris quod Aalidis ecclesie Sancte Marie Sanctique Juliani venerabilis abbatissa veniens ad me rogavit ut ecclesiam de Migeio et Charentiniaco sibi darem Cujuspiam petitionem benigne audiens que postulabat libentissime concessi et ecclesias memoratas cum omni consuetudine aliarum ecclesiarum quas possidebat ecclesia sanctimonialium tradidi eo siquidem pacto ut post obitum meum dies anniversarius meus celebretur a sanctimonialibus in eadem ecclesia Beate Marie commorantibus Ut vero hoc donum harum ecclesiarum solemniter factum firmum ac stabile maneret in perpetuum sigilli mei impressione muniri feci et testes plurimos adhibui Ulgerius prepositus Joscelinus decanus Habelicus canonicus Hato archipresbyter Rainardus monachus Stephanus Othlandus Lambertus prepositus meus Ex parte abbatisse Fromundus capellanus Sancti Martini Stephanus Bernoradus Petrus capellanus de Miganna Thebaudus prepositus abbatisse Radulphus [] pistor Guido Espinasse Isembardus de Charang et multi alii Actum est hoc anno ab Incarnatione Domini M[] Innocentio papa regnante Ludovico filio Philippi regis Guillermo consule Nivernensium