Charter Document - 02340154
| Charter Number: | 02340154 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1130 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Ego Henricus Dei gratia Senonensis archiepiscopus notum esse volo omnibus ecclesie Dei fidelibus tam futuris quam presentibus quod domnus Salo vicecomes Senonensis fratri R abbati videlicet ecclesie Sancti Johannis evangeliste et fratribus ibidem Domino servientibus tam futuris quam presentibus concessit secundum tenorem aliarum litterarum quas alia vice consimiliter fieri preceperat sed oblitum se esse dicebat ut quicquid de feodo suo vel de casamentis suis adquisierant et adhuc adquirere possent preter integrum casamentum unde perderet suum omagium libere et quiete omni tempore possiderent Cujus largitionis donum posuit in manu domni Rainardi abbatis me vidente et videntibus et audientibus multis tam clericis quam laicis qui in curia nostra presentes fuerunt Et ut hoc donum firmius esset auctoritate nostra firmavimus et sigilli nostri impressione corroboravimus et utrisque volentibus et petentibus eum qui hoc donum violare presumpserit auctoritate Patris et Filii et Spiritus Sancti et apostolorum Petri et Pauli et sanctorum canonum excommunicamus Ex parte Salonis vicecomitis fuerunt testes Stephanus Gorgias Paganus Lisiardus Milo Bisaduciteum Adelelmus de Varallis Anselmus de Vova Ulricus prepositus ejus Rainerius qui se occidit Potinus Daimbertus Crochetus Gauterius monetarius Constantius Ex parte vero nostra Teobaudus archidiaconus Simon archidiaconus Guillelmus archidiaconus Robertus canonicus Gosbertus canonicus