Charter Document - 02340145
| Charter Number: | 02340145 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1126 |
| Date type: | Internal, A.D. |
| Resource Link(s): |
|
Charter:
In nomine summe et individue Trinitatis Patris et Filii et Spiritus Sancti Amen Sanctorum predecessorum nostrorum ordinatio labilis memorie defectum seu fortune mutabilitatem in futurum precavens multimodis nos instruit exemplis ea que in Ecclesia Dei solemniter aguntur literalibus tradere monimentis et episcopalibus confirmare munimentis Eorum igitur meritis et dignis operibus pro spe et retributione colestium participare desiderans Guilencus ego nutu Dei alme Lingonice sedis episcopus hoc in divine misericordie respectu pietatis genere consulendum destinavi ut eleemosynis et bene gestis predecessorum meorum monasterio Reomensi rationabiliter subscriptis et deputatis manum favoris mittam et per bone voluntatis holocaustum justorum me benefactis intercludam Laude igitur et consilio fidelium nostrorum totius Lingonensis ecclesie interveniente Domno Bernardo Reomensis monasterii abbate prestantissimo Deo primum et Beate Dei genitrici Marie et Beato Joanni Reomensis monasterii et monachis ibi in servitio Dei aggregatis vel eis in perpetuum successuris de omnibus rebus subinsertis secundum privilegia sanctorum predecessorum meorum Lingonensium episcoporum hujusmodi testamentum ex parte mea constituo conscribo et confirmo Privilegium Sigoaldi episcopi de consecratione abbatis de fraterna dilectione de charitativa fratrum castigatione et emendatione sed et de omnibus quecumque episcopaliter precepit et confirmavit laudamus et confirmamus privilegium Guidrici episcopi de tribus ecclesiis videlicet de Asiaco et de Similiaco et de Vineis privilegium Acchardi episcopi de ecclesia Corpus Sancti de ecclesia Montis Bertaldi Betfontis et Asneriis Riceii et Nuidis privilegium Hugonis episcopi de ecclesia Juliaci Privilegium Arduini episcopi de jure parochie Asiaci et de integritate ipsius [] Hec autem omnia tam ex predecessorum nostrorum quam ex nostro precepto generaliter astruentes chartam subinde plenissime conscriptam et adstipulatum in isto synodali conventu manus proprie tactu et subscriptione confirmamus et archidiaconis nostris ordinabiliter confirmandam donamus Si quis vero contra istius nostre definitionis paginam obvius ire presumpserit bis vel tertio commonitus nisi se correxerit et ad emendationem venire festinaverit inferni ponis subjaceat et cum misero divite Lazarum a longe videat nec ad illius felicitatem unquam pertingere valeat Acta sunt hec Lingonis in plenaria synodo anno ab Incarnatione Domini millesimo centesimo vicesimo sexto apostolice sedis cathedram obtinente domno Honorio II Francorum excellentissimo rege Ludovico Lingonensis ecclesie episcopo domino Guilenco Ego Lambertus Lingonensis ecclesie archiclavus subscripsi Ego Airardus decanus Lingonensis ecclesie subscripsi Ego Gocelinus archidiaconus subscripsi Ego Guido archidiaconus subscripsi Ego Garnerius archidiaconus subscripsi Ego Fulco archidiaconus subscripsi Ego Durannus notarius ad vicem Fulconis cancellarii scripsi dictavi et recitavi