Charter Document - 02340140
| Charter Number: | 02340140 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1125 - 1140 |
| Date type: | Assigned |
| Resource Link(s): |
|
Charter:
Noverint omnes quod ego Aswalo de Sellenniaco adcensivi canonicis Sancti Mariani in saliceto meo quandam partem terre ad faciendum prata quam estimavimus ad XVII arpenta unum quodque arpentum pro VI denariis annis singulis reddendis nullaque alia consuetudo reddetur neque meis capietur Sed etsi intra terminos eis traditos plus reperiatur quod supererit modo supradicto possidebunt Concessi eciam eis prout vellent et utilius sibi videretur prata claudere fenumque pratorum per terram meam prout oportunius eis videbitur adducere Preterea pepigi eis quod si aliqua injuria vel controversia de pratis oriretur eis ego eos inde liberarem Laudavit hoc uxor mea et Daimbertus filius meus Actum est hoc apud Selleniacum in domo mea coram testibus istis Herberto de Vilecel Simone preposito de Sellenniaco Andrea preposito de Alta Ripa et Hilderio filio suo