Charter Document - 02340138
| Charter Number: | 02340138 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1125 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Hugo Autissiodorensis episcopus notum fieri volo tam presentibus quam futuris donasse me monasterio et monachis Sancti Germani Autissiodorensis ecclesiam de Sanctis salvo nimirum et retento jure episcopali ita ut quinque solidos quos annis singulis de eadem ecclesia accipio ipso hoc anno qui est ab Incarnatione Domini MCXXV loco investiture accipiant De qua videlicet ecclesia jam olim quandam investituram habebant medietatem scilicet sepulture et medietatem decimarum et medietatem offerende in tribus festivitatibus Laudavit hoc Progerius archidiaconus Testes sunt quatuor in carta notati Et ut hoc ratum et inconvulsum permaneat sentenciam domini pape Calixti qua mihi disponendarum ecclesiarum mearum liberam tribuit facultatem subjungere placuit Magnam de tua religione fiduciam obtinentes []