Charter Document - 02340135

In nomine sancte et individue Trinitatis Notum sit tam presentibus quam futuris quod ego Hugo Autisiodorensis episcopus dono ecclesie et monachis Sancti Germani in manu domni Gervasii ejusdem loci abbatis ecclesiam de Sancto Ferreolo et quicquid ad eandem pertinet ecclesiam decimam quoque ipsius ecclesie quandocunque eam de manu illorum qui eam tenent adquirere poterunt eis similiter laudo et concedo Hujus donationis laudatores simul et testes existunt Rotgerius archidiaconus Stephanus decanus Lanbertus Ollannus Rainaldus abbas Vizeliaci Hugo abbas Pontiniaci Julianus abbas Fontismensis Rainaldus archipresbyter Benedictus archipresbyter Gauterius archipresbyter Desiderius capellanus Sancti Lupi Hubertus et Stephanus monachi socii mei Et ne quis futurorum seu presentium aliquam huic donationi quolibet modo possit sive conetur inferre calumpniam privilegium domini pape Calixti quo mihi ecclesias diocesis nostre sicut mihi visum fuerit ordinandi licentiam tribuit subscribere placuit Calistus episcopus servus servorum Dei venerabili fratri Hugoni Autisiodorensi episcopo salutem et apostolicam benedictionem Religiosis fratrum nostrorum desideriis non solum favere sed ad ea ipsorum debemus animos incitare Desideras siquidem frater karissime ut quedam episcopatus tui ecclesie ad honorem Dei per ejus gratiam regulariter ordinentur Nos itaque bone voluntati tue paterno congratulantes affectu tibi licentiam indulgemus in commissis tibi ecclesiis in quibus videlicet clerici seculares sunt canonicos regulares vel monachos religiosos de ecclesiis parrochie tue regulariter ordinandi Preterea magnam de tua religione fidutiam obtinentes liberam tibi dictante justicia concedimus facultatem conferendi ecclesiis regularium fratrum canonicorum sive monachorum in tua parrochia existentium ecclesias quasdam quas injuste laici consueverant obtinere Ad hec fraternitati tue canonicam majoris ecclesie ordinationem ac dispositionem necnon et ceterarum episcopatus tui ecclesiarum auctoritate sedis apostolice confirmamus tu videlicet tam ecclesie quam monasteria debitam tibi tanquam patri et magistro reverentiam prorsus exibeant sicut etiam tuis catholicis predecessoribus exibuisse noscuntur Si quis autem adversus hec audaci temeritate proruperit donec satisfecerit ecclesiastice subjaceat ultioni Datum Cluniaci IV nonas januarii indictione XIII Facta est hec donatio Autisiodori anno millesimo centesimo XXIII indictione prima regnante Ludovico rege Francorum