Charter Document - 02340134

In nomine sancte Trinitatis Ego Hugo Autissiodorensis episcopus officii commissi non immemor religiosis videlicet locis non solum amissa restituere verum etiam que nunquam habuisse noscuntur conferre debere Horum inquam non immemor Ecclesie Sancti Petri Autissiodori de Ponte et canonicis inibi regulariter Deo servientibus do vel potius reddo et concedo ecclesiam Sancti Mauritii de Algiaco cum rebus omnibus ad eam pertinentibus oblationibus scilicet decimis terris censu et ceteris omnibus que cuncta juris predicte ecclesie Sancti Petri olim fuisse et virorum antiquorum relatione et kartarum attestatione feruntur Ut autem donacio jam dicte ecclesie Algiaci quam consilio et rogatu amicorum et filiorum nostrorum canonicorum inferius scriptorum ecclesie Sancti Petri fecimus rata perpetuo et inconcussa permaneat prefate donationis kartam episcopali auctoritate confirmamus nostrique munimento sigilli eam corroborantes munimus Cui donationi hii testes et laudatores affuerunt Ulgerius prepositus Rotgerius archidiaconus Stephanus decanus Gofridus cantor Jonas lector Lambertus sacrista Goscelinus cellararius Atto camerarius Fulco et Ebrardus canonici Rainardus archipresbyter multique alii Actum est hoc publice Autissiodori anno ab Incarnatione Domini millesimo centesimo vicesimo tertio nostri vero episcopatus octavo regnante Lugdovico Philippi filio Rege Francorum