Charter Document - 02340129
| Charter Number: | 02340129 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1120 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Notum sit omnibus tam futuris quam presentibus quod Stephanus Sancti Stephani thesaurarius concessit et laudavit in presentia nostra Sancte Marie Pontiniensi et Hugoni primo ejusdem loci abbati et successoribus suis fratribusque ibidem sub regulari disciplina degentibus terram de Roncenniacho et planum et nemus que et a thesauro movet et de casamento thesauri est quicquid de ipsa terra possessores ipsius Pontiniensi ecclesie pro amore Dei et animabus suis dederant vel ipsius ecclesie fratres adquisierant vel quolibet modo adquisituri erant Hoc idem ego Hugo Autissiodorensis ecclesie episcopus laudo et hujus carte testimonio confirmo Laudant quoque et confirmant fratres nostri canonici Sancti Stephani Hilgerius prepositus Rogerius archidiaconus Gaufridus decanus Gaufridus cantor Jocelinus cellerarius Lambertus sacrista Hato camerarius Rainaldus Benedictus archipresbiteri et alii canonici Hoc autem factum est in thesauro ecclesie Sancti Stephani anno ab Incarnatione Domini MCXX Ludovico Philippi filio rege Willegmo juniore consule Jona cancellario