Charter Document - 02340126
| Charter Number: | 02340126 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1120 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Ego Ludovicus Dei gracia Francorum rex notum fieri volo cunctis fidelibus tam futuris quam et instantibus quod peticione Stephani prepositi Senonensis ecclesie vel universi ejusdem ecclesie capituli duas portas quas illi in claustro ecclesie habuerant et habebant stabiles manere concessimus et ut in duobus introitibus quos in eodem claustro apertos et sine portis habebant portas facerent annuimus Concessimus eciam eis ut claustrum illud muro et vallo et quacunque clausura eis placeret clauderent et liberum penitus illud ibidem ab omni cujuslibet potestatis violencia perpetualiter obtinerent Quod ne valeat oblivione deleri scripto commendavimus et ne possit a posteris infirmari sigilli nostri auctoritate vel nominis nostri karactere subter firmavimus Actum Senonis publice anno incarnati Verbi MCXX regni nostri XIII Adelaidis autem regine VI astantibus in palacio nostro quorum nomina subtitulata sunt et signa S Stephani dapiferi S Gisleberti buticularii S Hugonis constabularii S Widonis camerarii Data per manum Stephani cancellarii