Charter Document - 02340124

In nomine sancte et individue Trinitatis Patris et Filii et Spiritus Sancti Ego Goldofredus Lingonensis ecclesie Dei gracia episcopus dilecto filio Adelardo abbati cenobii Sancti Michaelis Tornodori ejusque successoribus regulariter substituendis in perpetuum Desiderium quod ad religionis propositum et animarum salutem pertinere cognoscitur auctore Deo sine aliqua est dilatione complendum Quamobrem dilecte in Domino fili tuis et fratrum tuorum postulationibus clementer annuentes Sancti Michaelis monasterium cui Dei providentia preesse dinosceris cum omnibus ad ipsum pertinentibus auctoritatis nostre suffragio et presentis scripti pagina ex communi clericorum nostrorum assensu communimus statuentes ut quascunque possessiones vel ecclesias vel quecunque bona idem monasterium in presenti possidet aut in futurum largitione vel oblatione fidelium seu aliis justis modis prestante Domino poterit adipisci firma tibi tuisque successoribus et illibata permaneant Alias quoque rationabiles prefati monasterii consuetudines in quibus etiam sunt cruces a villis plurimis annuatim vobis reddende vobis nichilominus confirmamus per presentes in quibus hec propriis nominibus adnotamus Ecclesiam de Ligniaco Castro ecclesiam de Ligneraillis ecclesiam de Melligniaco Capellam de Vallepeletene ecclesiam de Mereio Servoso ecclesiam de Carriseio ecclesiam de Villari Vinoso ecclesiam de Anceyo Servoso ecclesiam de Paciaco ecclesiam de Lisigniis ecclesiam de Molano ecclesiam de Fraigio ecclesiam de Noeriis ecclesiam de Curco ecclesiam de Riparia ecclesiam de Yroir ecclesiam de Chicheyo ecclesiam de Dyeio et ecclesiam de Vezannis ecclesiam de Poelleyo ecclesiam de Chableys ecclesiam de Chemelliaco ecclesiam de Sarrigniaco ecclesiam de Tissiaco ecclesiam de Colano ecclesiam de Fieo et ecclesiam de Poincheio Decernimus ergo ut nulli omnino homini liceat idem perturbare aut ejus possessiones auferre aut aliquibus molestiis fatigare sed omnia integra conserventur fratrum ejusdem loci usibus omnimodis profutura Si qua igitur ecclesiastica secularisve persona hanc nostre constitutionis paginam sciens contra eam venire temptaverit secundo terciove commonita si non satisfactione congrua emendaverit ream se divino judicio existere cognoscat atque in extremo examine districte ultioni subjaceat Conservantes autem hec [] que justa sunt in presenti omnipotentis Dei gratiam et post mortem vitam eternam consequantur amen Actum publice Lingonis quarto idus aprilis episcopo et omni canonicorum conventu in capitulo residente ubi hoc privilegium recitatum non solum eorum qui subscripti sunt testimonio verum totius conventus auctoritate roboratum est anno ab incarnatione Domini MCXVI indictione quarta concurrente secundo epacta quindecima apostolice sedis pontifice Innocentio II Francorum rege Ludovico Ludovici filio S Arberti abbatis Sancti Sequani Arberti abbatis Sancti Stephani Divionensis Bernardi Clarevallis abbatis Fulconis archidiaconi et cancellarii Joscelini archidiaconi Warnerii archid Poncii archid Oloici prepositi Sanctorum Geminorum Magistri Ancelini Lombardi Decania tunc vacabat Roberto ducis filio apud Eduam in episcopum ordinato S Henrici presbiteri cognomento Boni Amici Ausculfi presbiteri Teuderici presbiteri Walterii diaconi Trecensis Duranni diaconi cognomento Runca Petri diaconi cognomento Forelli Hugonis diaconi cognomento Trosselli Girardi de Montesalio subdiaconi Hugonis de Riveria subdiaconi Hugonis de Sanctis Geminis subdiaconi Ego Durannus Lingonensis ecclesie notarius ad vicem Fulconis archidiaconi et cancellarii dictavi scripsi recitavi