Charter Document - 02340110
| Charter Number: | 02340110 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1106 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Patris et Filii et Spiritus Sancti Rerum preteritarum noticia plerumque dilabitur ab hominum memoria ubi deest scriptorum coppia Res equidem geste ubi scribentis reperiunt manum non obnubilantur per temporum vetustatem imo renovantur per legencium mentionem Unde posteris nostris scribere curamus qualiter canonici Sancte Marie Milidunensis ecclesie calumpniam fecerunt ecclesie Sancti Michaelis monachis tunc temporis abbate carentibus super ecclesia Sancte Columbe quam monachi ipsi habebant a bone memorie Reinardo Lingonensi episcopo Siquidem ecclesiam illam Sancte Columbe reverendus ipse pontifex Rainardus ad supplementum victus fratrum in ecclesia Sancti Michaelis degentium contulerat et in synodo suo laudantibus archidiaconibus suis et decanis scriptum exinde monachis ipsis fecerat Canonici porro illi Milidunenses videntes ecclesiam Sancti Michaelis pastore vacantem tempore domni Roberti presulis multisque persequutionibus oppressam nacta occasione de ecclesia Sancte Columbe se investierunt quam injuriam domnus Wido abbas noster jam in ecclesiam nostram reversus non ferens presentiam domni Roberti pontificis adiit de ecclesia illa male sublata clamavit At venerabilis ille pontifex diem super hoc negotio hucusque denominavit in sinodo suo Venerunt itaque tam monachi quam canonici monachis tricenariam possessionem scripto monstrantibus absque sinodali proclamatione et canonicis in hac re deficientibus indicavit sinodus debere ecclesiam illam Sancte Columbe abbati reddi Itaque propiciante Deo domnus abbas Wido ecclesiam suam recepit et ne subterfugisse judicium videretur ex hoc in Trecassino concilio quod in eodem anno domnus Paschalis papa celebravit se presentavit et quiete ecclesiam suam reportavit judicium de tricenaria possessione per quod ipsam ecclesiam recepimus Fecerunt signum hii Guilencus archidiaconus Garnerius archidiaconus Jocerannus archidiaconus Theodoricus canonicus Radulfus canonicus Abbas Laranco Duminensis cum priore suo Gotfrido abbas Robertus Molismensis abbas Bernardus Sancti Johannis Amalricus decanus non interfuit quia abbati Guidoni testimonium perhibuit de dono et de tricenaria possessione Joscelinus archidiaconus non interfuit quia cartam donationis monachis scripserat et de possessione testis erat Actum est Lingonis in synodo domni Roberti presulis anno Domini millesimo centesimo sexto regnante Philippo rege et filio ejus Ludovico designato rege et Guillelmo Rainardi filio comite existente nostro