Charter Document - 02340109

Quoniam aliquando temporum vetustate seu varietate hominum solent instituta aut oblivione aut dolosa malignitate mutari vel everti ideo litterarum notitia memorie commendare et determinare curavimus concessionem et donationem quam Ansericus miles de Avalone et Wido de Nuceriis fecerunt Girardo et Warino heremitis et monachis de terra que est prope villam que dicitur Juga que nominatur terra S Petri quam in feodo tenebant alter id est Ansericus de domno Odone de Avalone alter id est Wido de domno Milone de Nuceriis Predictus itaque Girardus et Warinus heremite et presbyteri secreti ab hominibus vivere volentes et sine hominum lite et importunitate operi manuum insistere pariterque ad dandum sibi et sociis suis victum ligonibus et aratris terram proscindere et excolere petierunt a predictis militibus donari sibi et per eos omnibus quicumque per succedentia tempora ibi sub obtentu religionis in sancto famulatu Deo militarent predictam terram cum silva que consita erat quia heremitice vite conversationi et quibuslibet in sancto proposito Deo famulaturis apta videbatur et opportuna Ipsi vero cum deliberato et premeditato apud se consilio statuta die hanc donationis investituram promptissima sicut rogati fuerant voluntate fecerunt et alacri Ansericus quidem in manum Girardi heremite et presbyteri hoc donum fecit apud Avalonem nonas januarii quinta feria consilio et voluntate amicorum suorum et uxoris sue Marie et fratris sui Gibaudi videntibus hiis quorum nomina in carta reperies concedente etiam et laudante domno Odone a quo tenebat et uxore sua Regina et filiis Arduino Jocelino et Neterio Alter vero scilicet Guido similiter hujus doni investituram consilio et voluntate amicorum suorum et uxoris sue Tecline quam eo anno in uxorem duxerat fecit in manum Guarini heremite et presbyteri predicti Girardi socii XV kalendas martii IV feria hiis presentibus et videntibus quorum nomina in carta reperies concedente pariter et laudante domno Milone a quo tenebat et uxore sua Anna et filio ejus Milone et ne de spatio et meta locorum hujus date terre ulla aliquando foret dubitatio totum ex integro dederunt ita ut nihil omnino in aliquo retinerent ex hiis omnibus que habere videbantur infra publicas stratas duarum viarum quarum una venit ab Autissiodoro altera vadit Vezeliacum quidquid scilicet quod eorum fuerit infra publicas quas vocant caminos includitur Actum est hoc ut prediximus anno Dominice Incarnationis MCIV predictis datarum terminis et septimanarum feriis additis testibus quorum nomina in carta reperies Insequenti quoque anno cum prefatus Guido S Marie Magdalene solemnitate celebrata ad propria repedaret predictum donum magne mentis devotione confirmavit et in confirmationis augmentum in ejus doni auctoritatem scriptum manu propria super altare predicti loci posuit et positum sibi legi et exponi fecit Nec est pretereundum quod evoluto fere anni spatio postquam hec sunt facta cum dominus Hugo dux Burgundie Avalonem venisset supra nominati milites Ansericus videlicet et Odo ad eum accedentes predictam hujus terre donationem coram eo per ordinem exposuerunt quod ille libens accipiens sue quoque proprie concessionis et confirmationis sanctione eamdem donationem firmam ratamque in perpetuum fieri instituit et ad memoriam posterorum scripto tradi ibidem mandavit Hoc autem factum IV kalendas februarii feria tertia Avalone presentibus multis nobilibus viris qui tunc ad ducis curiam convenerant ex quibus testes in carta reperies Ut igitur ratum illibatumque jure perpetuo permaneat presentis pagine patrocinio et sigilli nostri auctoritate roboravimus Ego Stephanus Dei gratia Eduensis episcopus notum fieri volo presentibus et futuris quod sicut vidi et cognovi ex authentico scripto predecessoris nostri bone memorie Henrici Eduensis episcopi sic attestor et firmam illibatamque jure perpetuo permanere decerno concessionem quam Ansericus miles de Avalone et Guido de Nuceriis fecerunt Girardo et Guarino heremitis et monachis de terra que dicitur Juga