Charter Document - 02340108

Quod a sanctis et illustribus viris Deo devotis pietatis affectu exigitur id absque dubitationis dilacione cum mentis sinceritate complere debemus effectu quatinus et eorum in bonis devotis et caritatis et utilitatis exhibite nobis cumuletur recompensacio Propter quod ego Robertus Dei gratia Lingonensis episcopus scripti presentis memoria omnibus sancte matris ecclesie intimandum decrevi Molismensis ecclesie venerabilem abbatem Robertum nostram adiisse presentiam et ut donacionem a Guillermo comite Nivernense jam dicte ecclesie solempniter factam a fratribus ibidem Deo servientibus perpetuo possidendam scripto nostre concessionis firmaremus suppliciter requirentem Tenor autem donacionis jam dicti comitis hic est ecclesia scilicet Sancti Aniani in Tornodorense oppido sita cum ceteris cappellis ibidem adjacentibus cunctaque ad ipsam parrochiam pertinencia oblaciones videlicet et sepulture et omnis decimacio tam grossa quam minuta infra finagium a quolibet elaborata excepta una carrucata abbacie Sancti Michaelis Cujus pium peticionis affectum consilio et assensu canonicorum nostrorum dignum duximus esse complendum ut et devocionis sinceritas laudabiliter enitescat et utiliter postulata vires indubitanter assumat per presentes igitur privilegii cartulam firmamus et corroboramus donacionem predicti comitis ut eam Molismenses monachi sive parte alterius in evum possideant salvo per omnia jure Lingonensis ecclesie Addimus et huic nostre concessioni et confirmacioni silvas et terras et aquarum decursus et piscacionem aque que dicitur Blismodis et salagium de mercato et virgultum et quodcumque sibi aliquomodo acquirere poterunt monachi in eodem monasterio Deo servientes sive de casamentis ejusdem comitis sive de quibuslibet aliis ad suum jus et dominium pertinentibus Libertatem etiam eidem ecclesie ipsius comitis peticione talem concedimus ut nec ipse Willelmus nec alius Nivernensis sive Tornodorensis comes aliam sibi cappellam in castro Tornodorense aliquando faciat vel ab alio fieri permictat Hec itaque omnia a predicto Guillermo comite Nivernensi manu nostra mediante Molismensi cenobio devota sunt et dominica in Ramis Palmarum sub presencia domni Richardi tunc temporis Albanensis episcopi et sedis apostolice legati in capitulo Lingonorum sigilli proprii imminuta roborata et a canonicis antea ex integro libere possessa Concedimus eciam abbatibus et monachis Molismensis cenobii ut si ecclesia Sancti Aniani sacerdote vaccaverit ipsi sacerdotem ydoneum sibi eligant et electum episcopo Lingonensi representent ut ab ipso investiatur animarum cura et deinceps in curia prioris super hiis que ad ipsos pertinent justiciam omnimodis prosequatur Quicumque igitur huic dono jam dicti comitis et nostre confirmacionis contraire presumpserit anathematis gladio feriatur et a sacratissimo corpore et sanguine Domini usque dum satisfecerit sequestretur Facta sunt hec Pascali sedis Romane pontificium gubernante Philippo rege Francorum regnante Roberto episcopo Lingonarum ecclesiam regente Duranno notario dictante anno ab Incarnacione Domini MCI