Charter Document - 02340102
| Charter Number: | 02340102 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1096 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Notum sit omnibus tam presentibus quam futuris veritatem diligentibus animarumque salutem querentibus quod ego Willelmus Nivernensis consul ad remissionem peccatorum meorum et patris mei et matris mee et antecessorum meorum laudante uxore mea Adelaya comitissa dimitto ecclesie B Marie genitricis domini nostri Jesu Christi et B Stephani protomartyris et Humbaldo episcopo Autissiodorensi et canonicis ejusdem ecclesie et successoribus eorumdem quandam pravam consuetudinem quam antecessores mei solebant capere scilicet de domo episcopali et de rebus episcopi quas post mortem episcoporum quasi proprias possidebant vastabant et diripiebant Hanc autem demissionem tali et ejusmodi jure concessi ne deinceps aliquis heres meus inde postea quicquam capere presumat aut si quicquam inde capere presumpserit totum honorem meum perdat Facta hec autem dimissio prius super altare S Stephani postmodum in eadem ecclesia publice dominica die pridie calendas septembris