Charter Document - 02340100

Postquam omnipotentis et eterni Patris unigenitus Filius eidem Patri Sanctoque Spiritui coeternus et consubstantialis humanum genus diabolica fraude deceptum ac ignorantie tenebris miserabiliter obvolutum per mysterium sue sancte incarnationis ac salutifere passionis a diabolica dominatione interventu sue mortis redemit quo scilicet remota legis umbra sancti evangelii claritas cunctis per orbem fidelibus per apostolicam predicationem innotesceret multi potentum ac divitum hujus seculi divina edocti predicatione facultates a Domino sibi collatas in meliores usus transtulere exheredantes se in hoc seculo ut superni regni efficerentur heredes Imitantes scilicet illam Domini vocem que in evangelio clamat Facite vobis amicos de mammona iniquitatis ut cum defeceritis recipiant vos in eterna tabernacula Et alias Date eleemosynam et ecce omnia munda sunt vobis Nec minus consona his veteris etiam instrumenti nobis historia pandit ubi scilicet Daniel propheta sanctus regem Chaldeorum legitur commonuisse ut eleemosynis redimat peccata sua et alio in loco voce Sapientis viri dicitur Redemptio anima viri divitie ejus His atque hujusmodi legis divine informatus exemplis ego Hugo Dei gratia Burgundionum dux dono et concedo omnipotenti Deo ac beatissimis apostolis ejus Petro et Paulo ad Cluniacense monasterium ubi dominus Hugo abbas preesse pariter ac prodesse videtur ecclesiam sancte Dei genitricis Marie que sita est in castro Avalonensi que videlicet ab antecessoribus meis ducibus antiquitus hereditario jure possessa est cum omnibus rebus ad ipsam ecclesiam pertinentibus sanctorum scilicet reliquiis ac reliquis ecclesiasticis ornamentis que sigillatim inferius annotata habentur Dono etiam et concedo quidquid ex meo dominicatu in exteriori substantia ad ipsam ecclesiam pertinere dignoscitur in terris scilicet et possessionibus ac prediis cultis et incultis sylvis et planis pascuis ac decimis et preter hec omnia ex meo jure unam condaminam que sufficiat ad extertium unius caruce ipsam quoque carucam instauratam et integram similiter do Concedo insuper ac relinquo eidem ecclesie censum de censualibus terris ad eamdem ecclesiam pertinentibus et quas milites mei ex mea obtinent largitione ut deinceps idem census Deo illic servientibus ad corporale stipendium proficiat Canonici sane numero novem in sepe dicta ecclesia hactenus proprias habuere prebendas e quibus unus jam vita decessit alii duo suas prebendas sponte reddiderunt de reliquis vero qui supersunt communi consilio definitum est ut si videlicet in vita sua prebendas suas relinquere noluerint eo tenore quamdiu vixerint eas possideant ut cum ab hac luce migraverint nullus eis alius succedat sed solummodo Cluniacensis ecclesia eas perpetuo possideat Hec est autem descriptio ornamenti ipsius ecclesie cappe duodecim casule novem albe undecim et una ex auro texta amicti decem aurei et duo viliores cinctoria sex stole auree octo manipuli septem et tres aurei dalmatice tres tunice quatuor et una cum auro vexilla quatuor pallia quatuor aurea et viginti sine auro cortine pallee novem facitergia decem et unum cum auro dorsalia duo tapetia quatuor tersoria tria baucales tres cortinee linee sex lanee due tabula una argentea Cruces auree due et argentee due turibulum unum argenteum calices argentei tres et unus aureus patene argentee tres et una aurea textus unus aureus et unus argenteus aliusque dimidius capse argentee quinque et una aurea urceolum mare vitreum unum corona argentea una baculum sancti Lupi scrinia eburnea duo tabula eburnea una bustule eburnee due phylacteria aurea viginti duo argentea quatuordecim et tria de aurichalco cum una capsula bustule eburnee novem scripuli tres calamus unus argenteus imago sancte Marie cum aurea corona et armillis aureis imago sancti Lazari aurea missales tres libri simul omnes centum quindecim Hanc ergo ecclesiam cum consilio pariter atque consensu optimatum meorum parentumque et omnium amicorum cum omnibus suis ornamentis possessionibus vel appendiciis sicut supra taxatum est ad integrum trado omnipotenti Deo et sanctis apostolis ejus Petro et Paulo pro redemptione anime mee seu antecessorum meorum ut pius ac misericors Deus peccata et negligentias meas sua ineffabili clementia remittere dignetur Facta est autem hec donatio in castro Avalonensi undecimo cal martii presente domno Odone Clun iacensium priore a quo etiam omnes qui hujus doni laudatores exstiterunt in fratrum societate admissi sunt ut scilicet in orationibus et eleemosynis vel etiam ceteris jam dicti loci benefactis amodo partici pes existant Si quis vero quod absit in posterum contra hujus sanctionem decreti ausu temerario manum improbe contradictionis inferre tentaverit et hanc nostre donationis eleemosynam alicujus calumnie nevo nisus fuerit obfuscare iram Dei omnipotentis et sanctorum ejus offensam incurrat nisi cito congrua satisfactione penituerit Signum Hugonis ducis qui hoc donum fecit Odonis fratris ejus qui hoc jurisjurandi sacramento firmavit Roberti alterius fratris ejus clerici Widonis comitis Matiscensis Bernardi de Monfort Eustachii filii ejus Artaldi de Avalone Gerardi de Fonte Vivent Warulphi Rainerii pincerue ducis Stephani de Noveris Milonis et Jarentonis germanorum Hugonis presbyteri Hugonis prepositi Yvonis et Roberti nepotum ejus Aymonis de Divione Odonis Willelmi Losmari Otberti de la Rocha Facta est autem hec charta anno ab Incarnatione Domini millesimo septuagesimo septimo indictione I