Charter Document - 02340097
| Charter Number: | 02340097 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1064 |
| Date type: | Internal, A.D., Regnal |
| Resource Link(s): |
|
Charter:
In nomine Patris et Filii et Spiritus Sancti gratia Dei Philippus propitia divinitate Francorum rex cunctis fidei catholice et vere credentibus eterne felicitatis optabile munus Licet immeriti sanctorum exigentibus [quoniam minime culpis caremur deviantes suffragiis] tamen oportet patrocinia eorum ubique et signa amplecti que cotidiana aspici enter fieri credimus et vestigia vel in ali quibusdam bone actionis operibus obsecundantes feliciter sequi que eorum interventu assiduo possumus contingere perhenniter promissa gaudia siderei celi prodigiis quorum et continuis exemplis per totum Dei gratia ego Philippus rex Francorum munitus mando notificans cunctis nostre curie fidelibus et multum per obto ut omnis audiens intelligat nostrorum fidelium cohetus hoc regale preceptum quod Deo et sancto Petro ceterisque apostolis et martyribus sacris Saviniano videlicet et Potentiano et ejusdem cenobii ceteris sanctis eorumque monachis Deo servientibus ad plenum firmare studemus Igitur volo ut audiatis clamorem abbatis Gerberti et monachorum Sancti Petri de nostris prepositis et ministris Senonensibus de valde injustis et malis consuetudinibus quas injuste per terras Sancti Petri Vivi facientes opponunt Nam de omni seculari inquietudine et potestate reges Francorum antecessores nostri preceptum inviolabile eidem case Dei luculenter statuentes firmaverunt et postmodum avus noster Robertus ob amorem Dei et beati Petri sanctique presulis ac martyris Saviniani cujus venerabile corpus idem avus meus a solo elevans auro et gemmis ornavit Ergo illud quod prefati reges Francorum preceptum corroborantes statuerunt similiter et nos regali auctoritate firmiter consolidamus ita ut ab hodierna die ulterius sub integra defensione ab omni strepitu et judiciari potestatis impulsione sit omnis terra ejusdem abbatie libera et immunis et ut nullus ministrorum nostrorum judex publicanus nec in burgio nec in villis nec in viis nec in terris ullam consuetudinem accipere presumat nec rotaticos nec pedaticos nec toleneos nec homines ipsius ecclesie distringere tam servos quam ingenuos neque ullas redhibitiones aut inlicitas occasiones audeat vindicare Et ut hoc preceptum firmum et stabile permaneat manu propria firmavimus et nostro sigillo sigillari jussimus Actum Parisius publice anno ab incarnatione domini MLXIIII regnante Philippo anno X Signum Philippi regis Richeri archiepiscopi Senonensis Arraudi Carnotensis episcopi Galterii Meldensis episcopi Vualerani camerarii Froderici dapiferi Vuidonis pincerne magistri Alelini conestabularii Hugonis de Puteo Hugonis de Domo Martino Gaufridi de Calvomonte Gaufridus cancellarius relegendo subscripsit