Charter Document - 02340096

In nomine sancte et individue trinitatis Richerius matris ecclesie Senonum metropolitanus archiepiscopus Quicquid locis divino cultui mancipatis aut largiendo confirmamus profuturum nobis ad presentis vite curricula salubrius transigenda et ad future beatitatis premia facilius obtinenda non dubitamus Comperiat igitur omnium fidelium sancte Dei ecclesie nostrorumque presentium ac futurorum sollertia quia karissimus nobis abbas Sancti Petri et Sancti Saviniani primi patronis nostri nomine Gerbertus et omnis ejusdem loci monachorum cetus nostram accedens adiit humiliter presentiam postulans sibi ut illud consilium daremus de villa que vocatur Ciconias cum appendiciis suis et ecclesia que in eadem villa sita est in pago scilicet Senonensi Nam priscorum ob incuriam patrum funditus isdem ammiserat Sancti Petri locus et ob id cotidiane peticioni eorum libenter aures accomodavimus De hoc siquidem quod michi contigebat ex antecessorum meorum jure vel patris matrisque mee hereditate dedi quibusdam meis heredibus pro deliberatione ejusdem ville cum adibitis muneribus timens Deum cogitans de eterna retributione ut michi dominus Deus in futurum aliquid de peccatis meis minuere dignaretur et maxime pro remedio animarum antecessorum meorum quorum corpora in ipso loco fore cumprobantur tumulata Ea igitur ratione sic fieri decretavi ut perpetualiter possideat Sancti Petri locus per futuras temporum successiones ecclesiam scilicet et villam cum reliquis appendiciis sicuti supra taxavimus Postulavit item exorans prenominatus abbas cum monachis ut canonica auctoritate confirmarem antecessoris mei domni Sewini bone memorie + quoddam adnotatum litteris optabile preceptum quod fecit firmans Deo et sancto Petro sanctoque Saviniano de sinodis et circadiis duarum ecclesiarum scilicet Ausonis et Naudi et de ipsarum altaribus quod et libenter adimplere studui Iterum et circadiam de altare Sancti Martini quod situm est in villa que dicitur Baviacus quam dedit Deo sanctoque Petro domnus meus antecessor Mainardus similiter committo absque ulla consuetudine ipso tamen tenore ut per singulos annos solvant de ipso altare denarios VIIII in primam sinodum post Pascha et novem in alia que celebratur kalendis septembris Similiter trado ad stipendia monachorum ipsius loci quandam particulam de alodo meo qui conjacet in villa que dicitur Planciacus idem quartarios tres de vinea et arpennum unum et dimidium de prato Deprecantes item prefati monachi et abbas ut ex ratione thesauri Sancte Marie et Sancti Stephani quandam feminam concederem Deo et sancto Petro et primo antecessori nostro glorioso Saviniano que vocatur Raimburgis cum omnibus infantibus qui ex illa nati fuerint Tactus itaque divino nutu et ab ipso abbate et a cunctis fratribus suscepta sancte absolutionis benedictione intervenientibus domno preposito et archidiacono Gausberto et Pulcherio archipresbitero et canonico et Odone presbitero et canonico cum aliis quampluribus nostris fidelibus istud exorantibus ob amore ejusdem beati Petri cujus sacratissima limina adiens expetere volebam adquievi eorum vocibus et perpetualiter concedens [] taxatum est dedi eam cum omnibus infantibus qui ex ea nati fuerint Deo et beatis apostolis Petro et Paulo et presuli nostro primo Saviniano atque insigni martiri Serotino De hoc igitur et de supra nominatis causis quas propter amorem Dei et nostre mercedis agmentum eidem ecclesie Sancti Petri et monachis ibi per omnium temporum successiones Deo deservientibus plena auctoritate has litteras confirmamus et vinculo anatematis calumpniatores colligamus Nostros vero qui futuri sunt successores exhoramus ut hanc donacionem nostram firmam et inviolabilem teneant S Ego in Dei nomine Richerius archiepiscopus hujus violatores privilegii anathematizo S Hulduinus archidiaconus S Gausbertus archidiaconus et prepositus S Harduinus archidiaconus S Odo archidiaconus S Fulcherius archipresbiter S Archenfredus archipresbiter S Herbertus archipresbiter Iterum ego Richerius archiepiscopus trado ad stipendia fratrum Sancti Petri et Sancti Saviniani alodum meum qui est juxta villam que vocatur Vogradus Data mense aprilio regnante Philippo rege anno tertio S Bernuinus archidiaconus et cancellarius scripsit