Charter Document - 02340088
| Charter Number: | 02340088 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1035 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives |
Charter:
In Christi nomine ego Hainricus propicia divinitate Francorum rex cunctis fidei catholice pie et vere credentibus eterne felicitatis optabile munus Licet inmeriti sanctorum exigentibus quam nimie culpis caremus deviantes suffragiis tamen oportet patrocinia eorum ubique et signa complecti que cotidiana aspicientes fieri credimus et vestigia vel in aliquibusdam bone actionis operibus obsecundanter feliciter sequi quo eorum interventu assiduo possimus contingere perhenniter promissa gaudia siderei celi Prodigiis quorum et continuis exemplis per totum Dei gratia ego Hainricus Francorum rex munitus mando notificans cunctis nostre curie fidelibus et multum perobto ut omnis audiens intelligat nostrorum fidelium cetus hoc regale preceptum quod Deo et sancto Petro ceterisque apostolis et martiribus sacris Joviniano videlicet et Potenciano et ejusdem cenobii ceteris sanctis eorumque monachis deservientibus ad plenum firmare studemus Igitur volo ut audiatis clamorem abbatis Ermenoldi et monachorum Sancti Petri de Rainardo comite de valde injustis et malis consuetudinibus quas injuste per terras Sancti Petri Vivi faciens obponit Nam de omni seculari inquietudine et potestate reges Francorum antecessores nostri preceptum inviolabile eidem case Dei luculenter statuentes firmaverunt et postmodum genitor meus rex Rotbertus ob amorem Dei et beati Petri sanctique presulis ac martiris Saviniani cujus venerabile corpus idem genitor meus a solo elevans auro et gemmis ornavit Ergo illud quod prefati Francorum reges preceptum corroborantes statuerunt similiter et nos regali auctoritate firmiter consolidamus ita ut ab hodierna die jam ulterius sub integra defensione ab omni strepitu et judiciarie potestatis inpulsione sit omnis terra ejusdem abbatie libera et inmunis et ut nullus nostrorum ministrorum judex publicus nec in burgio nec in villis nec in viis nec in terris ullam consuetudinem accipere presumat nec rotaticos nec pedaticos nec teloneos nec homines ipsius ecclesie distringere tam servos quam ingenuos neque ullas redhibitiones aut inlicitas occasiones audeat vindicare Et ut hoc preceptum firmum et stabile permaneat manu propria firmavimus et nostro sigillo sigillari jussimus Hainricus nutu Dei Francorum rex firmavit et hoc sigillo corroboravit Signum Rotberti ducis Burgundionum Signum Odonis fratris regis Actum Senones mense julio regnante Hainrico rege anno V Balduinus cancellarius scripsit