Charter Document - 02340083
| Charter Number: | 02340083 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1002 |
| Date type: | Internal, Calendar, Regnal |
| Resource Link(s): |
|
Charter:
Notitia qualiter Landricus comes gloriose memorie supplicante domno Heldrico abbate cuncto etiam cetu Flaviniacensium monachorum alodum quoddam quod vocatur Corbeton quod olim Wilerius qui vocatus est Pilans Porcum Flaviniacensi contulerat cenobio quod noscitur dicatum honore principis apostolorum Petri sanctique martyris Prejecti quodque ipse domni Walterii pontificis largitione necnon et predicti cenobii fratrum dudum tenuerat ob remedium anime sue divinamque sibi repropitiandam clementiam seu etiam ob eleemosynam animarum genitorum fratrum filiorum et omnium propinquorum suorum jam dicto reddidit loco et ut ipsi fratres pro eo perpetualiter Domini misericordiam exorare non obmittant quatinus hic et in futuro ab omnibus malis erutus atque ab eterne mortis discrimine liberatus sanctorum jungatur cotibus Proinde hujus rei notitiam ipso jubente immo hortante fieri placuit quatinus hec redditio ab ipso facta atque ab omnibus ejus propinquis et fidelibus firmata et testificata perpetuo maneat inconvulsa Si quis vero contra notitiam hanc aliquid adversi agere conatus fuerit ipse videlicet aut aliquis propinquorum vel successorum ejus non valeat evindicare quod repetit sed insuper cum Juda proditore nisi resipuerit eterno feriatur anathemate Actum Autissiodoro publice Signum domni Landrici comitis Dodo filius ejus Landricus filius ejus Richardi militis Alwalo miles Iterius miles Heldricus miles Magenfredus Gotesmannus Milo Rotbertus Walterius Scriptum manu Willelmi Sancti Germani monachi jussu Landrici comitis regnante anno VII rege Rotberto V kal mensis augusti