Charter Document - 02340081
| Charter Number: | 02340081 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0992 |
| Date type: | Assigned |
| Resource Link(s): |
|
Charter:
Ego in Domini nomine Milo comes Tornodorensis castri notum esse volo tam presentibus quam futuris qualiter divina animadversione tactus divinique lucri studio animatus cogitare cepi de instabilitate hujus naufragio si seculi quodque suis non servat sequacibus modum veritatis quin etiam ruinam illius confert in releva bilem quemadmodum feruntur sirene insciis obripere nautis ut cum apostolus ait Quecumque seminaverit homo hec eadem metet et qui parce seminat parce et metet et qui seminat in benedictionibus de benedictionibus metet mansurum sine fine gaudium Hec et hiis similia perpendens animoque revolvens eterne recompensationis ego prenominatus Milo ac mente pervigili de anime mee salute tractans ob emolumentum eterne recompensationis et propter abolitionem immanium criminum meorum cedo sancto archangelo Michaeli ad stipendia fratrum in predicto archangeli loco famulantium omnem alodum quem possidere videor in villa que vocatur Curtis Secreta tam silvam quam terras et prata et homines ibidem pertinentes cum ecclesia in Beate Marie honore sacrata et quidquid pertinere videtur eidem Curti unde vestitus appareo jure hereditario totum ad integrum cum voluntate et assensu dilecte conjugis mee Ermengarde et carissimorum filiorum meorum Achardi Rainardi et Alberici cedo Sensumque in perpetuum esse volo sancto Michaeli fratribusque in obsequio pretaxati sancti desudantibus ita ut ab hac die et deinceps teneant regant atque possideant absque ulla contradictione Ut autem hec cessio firmior ac laudabilior in perpetuum habeatur sub testamentis litterarum hanc inserere studuimus manibusque omnium nostrorum tam conjugis quam filiorum corroborari decrevimus videlicet eo jure ut per singulos annos in statutis anniversariis in perpetuum fratres tam presentes quam presentium successores in predicto loco degentes pro anima mea et conjugis mee Ermengarde celebrent divina officia missarum et reliqua que pertinent ad peragenda misteria mortuorum velud solet fieri pro nostrorum fratrum funere aut pocius abbatum Si quis vero hanc firmitatis cessionem ex heredibus meis quod minime fieri credimus calumniare temptaverit quod cupit non exemplar scilicet insuper iram omnipotentis Dei incurrat non scilicet ab hac insania resipuerit Hec autem firmitas inviolabilem obtineat vigorem usque ad seculi consummationem