Charter Document - 02340080
| Charter Number: | 02340080 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0992 |
| Date type: | Internal, Regnal |
| Resource Link(s): |
|
Charter:
In nomine summe et individue trinitatis ego Umbertus notum esse omnimodis cupio tam presentibus quam futuris et omnibus circumquaque longe vel prope manentibus qualiter ob remedium anime mee et mee conjugis nomine Giberge et ob abolitionem immanium criminum meorum et omnium antecessorum meorum et propter adipiscenda premia salutis eterne cedo loco Sancti Michaelis archangeli situm haud longe a castro Tornodorense de rebus mee proprietatis cum consensu omnium heredum meorum alodum quoddam mansum indominicatum cum servo nomine Helion cum uxore sua et omnibus infantibus suis modo ad presens et post decessum meum totum ad integrum quicquid habere videor in villa que Curtis Secreta dicitur id est servos ancillas prata silvam et terram arabilem et in villa que Varennas vocatur dimidium arpentum de vinea et arpentum integrum de terra ad hedificandum Conjacent autem he villule prescripte in comitatu Tornodorense Hujus igitur rei geste quo divinus amor me compulit hec fieri occasio hec fuit abbas qui Heldefredus [dicitur] multa bona michi tribuens videlicet in inicio hujus rei familiaritate duas libras denariorum dedit michi necnon et equum unum simul et postea singulis annis quicquid michi placuit libenter dedit Si quis autem quod nec fieri credimus contra hanc firmitatem meam ausus fuerit irrogare calumpniam quod cupit non evindicet sed coactus persolvere cogatur auri libras XXX Et ut hec carta inviolabilem obtineat firmitatem manibus meis et manibus heredum meorum corroborata [est] Signum Regnaldus Odo filius ejus Milo Achardus Nivardus Lencelinus Walo Otbertus Rotbertus Wido Actum Tornodorensis castri regnante Hugone rege anno VI Signum Umberthus qui hanc cartam firmavit et firmandam tradidit Milo comes Lambertus Richardus Albericus Archanradus Calo Girvardus Raynardus comes Erembertus Otmundus Widricus Milo Achardus Odo Raynardus