Charter Document - 02340076

In nomine sancte et individue trinitatis ego Widricus sancte matris ecclesie Lingonensis gratia Dei humilis presul volo notum fieri omnibus legis divine cultoribus qualiter per instinctum sancte providentie ecclesiam beati Michaelis Tornodorensis opidi sitam ad meridianam plagam ob remedium nostri nostrorumque successorum erratibus erigere vel reedificare cupimus atque regulari culmine conamur subvehere Superna vero annuente clementia hoc negotium cum consensu nostrorum fidelium libenter exercemus et ut stabiliatur in perpetuum cum omni clero nostre ecclesie hoc privilegium exinde fieri jubemus ut semper insignis existere valeat et inviolabilem hec pactio vigorem obtineat Quem locum in sublime ego Widricus episcopus et Milo comes pagi Tornodorensis transcendere gestientes atque ad incrementum future nobis beatitudinis recogitantes simul etiam quique nobilium nobiscum habentes spem retributionis eterne de rebus proprie portionis inibi condonamus quatinus jugiter queant exorare divine majestatis clementiam qui illic degere videntur Mansum enim prefate ecclesie et que de eo jure ecclesiastico ad me videntur pertinere Deo et Sancto Michaeli fratribusque inibi servientibus attribuo Milone etiam comite si que illi de eo juste vel injuste contingebant consuetudines modis omnibus eis annuente Adhuc autem donat predictus comes illi ecclesie mansos duos vestitos cum appenditiis suis in villa que dicitur Scissiacus cum ejus salvamento et silvam que dicitur Campus Moravi et in alio loco in villa que dicitur Ereth mansum I cum appenditiis suis adherentibus et silvam que dicitur Colradum et in villa que dicitur Domno Petro medietatem quidquid habere videtur et in pago Brionense in villa Jasant medietatem quidquid habere videtur et post excessum Ingeltrudis uxoris sue totum integre et in suburbio ipsius castri Tornodorensis molendina duo et in villa Argentiniaco quidquid habere videtur hoc est mansos duodecim vestitos cum appenditiis suis inibi adjacentibus silvis pratis pascuis africariis aquis aquarumve decursibus et in villa Molins quidquid habere videtur Et ut hoc conscriptum titulum perpetualiter habeatur insigne manibus propriis firmare decrevimus fulti totius ecclesie clero nostre sedis sollemniter Widricus episcopus qui consensit et firmare rogavit Beraldus archidiac Signum Wido abbas Arembertus levita M abbas Ainrici comitis Milonis comitis qui hanc scripturam firmavit atque consensit Brimonis Berardus prepositus Milo abbas Arnaldus presb Walmonius levita Viscourtus presb Unencus levita Stephanus presb Arnulphus subdiaconus David presb Desiderius Constantinus Parisius Genselinus Ulgerius Eldemanius Ainardus Widoni militis Miloni comitis Richardus Woninsius Quicumque hanc firmationem calumniare presumpserit si non resipuerit anathema sit Ego Ermannus levita indignus ad vicem Airardi archicancellarii scripsi et subscripsi Data mense julio indictione VIII anno ab incarnatione DCCCCLXXX anno XXVI regnante Lothario rege