Charter Document - 02340071
| Charter Number: | 02340071 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0933 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue trinitatis Rodulfus divina propitiante clementia Francorum rex Regie celsitudinis magnificentia solemniter exigit ut fideles nostros claris debeamus honoribus sublimare idcirco noverit totius regni nostri venerabilis fidelitas quoniam accedentes ad serenitatem nostram Ansulus episcopus et Gauzfredus comes humiliter nostram deprecati sunt clementiam quatinus Adelardo fideli nostro et uxori ejus Plectrudi atque nepoti ejus nomine Geiloni quasdam res que ei jure beneficiario concesse fuerant nostre regalis celsitudinis precepto confirmare dignaremur Quorum petitionibus eo magis assensum prebuimus quo eos nostris servitiis habiliores et promptiores recognoscebamus ideoque ad deprecationem jam predictorum fidelium nostrorum jussimus prefato Adelardo ac uxori ejus vel nepoti suo hoc regale preceptum fieri in quo confirmando decernimus et decernendo firmamus Sunt autem he res supradicte Senonice civitati contigue videlicet caput abbatiole Sancti Pauli ex ipso scilicet comitatu cum mansis LX ex Wastinensi comitatu excepta ecclesia de Cretaria cum mancipiis utriusque sexus vineis pratis silvis molendinis pascuis aquis aquarumve decursibus habeant teneant atque possideant singuli eorum absque alicujus contradictione Ut autem hec nostre munificentie largitio firmior habeatur et inviolabilius conservetur manu propria illud subter firmavimus et anuli nostri impressione jussimus sigillari Si autem he res prefate de episcopatu tracte fuerint nonas et decimas sicut mos ecclesiarum est sine alicujus contradictione persolvant Signum Rodulfi gloriosissimi regis Hugo cancellarius ad vicem Ansuli episcopi recognovit Datum V kal januarii indictione VI anno VIII regnante Rodulfo rege Actum Autissiodoro