Charter Document - 02340070

In nomine sancte et individue trinitatis Karolus ejusdem omnipotentis Dei misericordia rex Si petitionibus regni nostri Procerum servorumque Dei pro quibuslibet ecclesiasticis necessitatibus aures nostras pulsantium libenter annuimus et ad divine militie in locis Deo dicatis uberius famulandum auxilium porrigimus id nobis procul dubio et ad instantem vitam temporaliter transigendam et ad futuram feliciter obtinendam commodum provenire confidimus Precognitum igitur fore omnimodis cupimus omnibus Christi nostrisque fidelibus presentibus videlicet et futuris quoniam adiit serenitatem culminis nostri vir quidam specialius venerabilis germanus quondam predecessorls nostri domni Odonis regis fidelis noster Rotbertus gregis eximii confessoris Christi beati Martini basiliceque ipsius atque rerum abbas reverenter exposcens ut res omnes quas olim laudabilis pietas atque sollicitudo priorum patrum necnon et pastoralis cura sanctorum apostolicorum seu etiam predecessorum nostrorum parentum imperatorum et regum per inviolabilia precepta quasque antecessor suus vir venerabilis propinquus noster Hugo abbas suo nobili obtentu ob amorem Dei et reverentiam beati Martini cujus defensor erat cum magno et orthodoxo Karolo imperatore avo quidem nostro eidem sancto Martino et fratribus sue congregationis ad specialiter futuris temporibus serviendum seclusa omnium suorum ditione abbatum ad eorum speciales et quotidianos usus perpetualiter possidendas obtinuerat ita et nostris futurisque temporibus sub nostre immunitatis tuitione consistere et ab omni publica functione ac judiciaria exactione per nostre preceptionis seriem immunes liberasque decernere dignaremur Quarum rerum atque villarum nomina hec sunt [] Cableia quoque in pago Tornotrinsi ubi fratres monasterium constructum habent ubi et sanctus Martinus corpore quasi peregrinus jacuit cum Comisiaco villa cum omnibus rebus ad easdem villas pertinentibus [] Datum II calendas maii indictione V anno XI regnante Karolo piissimo rege