Charter Document - 02340069
| Charter Number: | 02340069 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0902 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue trinitatis Karolus divina propitiante clementia rex Si fidelium nostrorum petitionibus aures culminis nostri inclinamus et eas ad affectum usque perducimus non solum regalem in eo exercemus dignitatem verum etiam eterne retributionis premia inde nobis augmentari liquido credimus Quocirca noverit omnium fidelium nostrorum presentium videlicet ac futurorum sagacitas qualiter Herifridus venerabilis Autisiodorensis ecclesie episcopus quedam precepta imperatorum et regum Karoli videlicet imperatoris augusti et genitoris nostri boni memorie Hludovici regis nostris obtulit optutibus in quibus continebatur quemadmodum ipsi antecessores nostri quasdam res in pago Autissiodorensi consistentes hoc est Malliacum cum omnibus appendiciis situm super Icaune fluvium holim injuste a prefata ecclesie abstractum juste et rationabiliter reddidissent Ideoque nostram deprecatus est clementiam quatinus super hoc eadem precepta aliud nostre auctoritatis emitteremus preceptum Nos vero petitionibus illius satisfacere desiderantes decrevimus ita fieri et jussimus ei hoc nostre potestatis preceptum inde conscribi per quod decrevimus atque omnino sancimus ut sicut in illo continetur precepto ita deinceps per hanc nostram succedentibus temporibus auctoritatem firmum et inconvulsum permaneat nullo unquam successorum nostrorum hoc inrumpente Et ut hec nostre confirmationis auctoritas pleniorem in Dei nomine obtinere valeat vigorem manu propria subter eam firmamus et anuli nostri impressione insigniri jussimus Signum Karoli gloriosissimi regis Erluinus notarius ad vicem Askerici episcopi recognovit et subscripsit Datum pridie idus martis indictione V anno X regnante domno Karolo gloriosissimo rege redintegrante V Actum Compendio palatio in Christi nomine feliciter Amen