Charter Document - 02340068

In nomine sancte et individue trinitatis Karolus gratia Dei rex Si petitionibus servorum Dei libenter aurem prebemus Regia excellentie opera imitamur ac per hoc eterne vite premia nos adepturos non dubitamus Noverit igitur omnium sancte Dei Ecclesie fidelium presentium scilicet ac futurorum industria quatinus adiens nostre celsitudinis clementiam venerabilis ac nobilissimus comes sed et fidelis noster necnon et abbas monasterii S Germani Autissiodorensis Ricardus nostram expetierit munificentiam quatinus monachis ejusdem sacratissimi loci quasdam res ex eadem abbatia ad stipendie ipsorum monachorum usus concederemus mansellos scilicet viginti sitos in pago Autissiodorensi in villa que dicitur Irinciacus quos olim Walcaudus et Letardus in beneficio habuerunt Cujus admodum salubribus atque anime nostre proficuis postulationibus sublimitatis nostre aurem acommodantes concessimus pretitulatas res eidem sacrosancto loco atque exinde magnitudinis nostre preceptum illis fieri darique jussimus per quod confirmamus easdem res usibus eorum eternaliter servituras et nemine inquietante non abbate nec ulla ministeriali vel etiam judiciaria potestate perhenniter eos delegando decernimus possidendas eo utique auctoritatis tenore quatenus pro suorum necessitate quidquid ex eisdem rebus agere decreverint liberrimo in omnibus potiantur arbitrio atque hujus largitionis sepefati monachi digne fideliterque reminiscentes pro nostra incolumitate ac totius regni nostri statu simulque dilecte et fidelis nostri Ricardi salute pias omnipotentis Dei aures continuis precibus pulsare non desistant Et ut hec largitio per successiones futurorum temporum firmior habeatur atque in perpetuum ab universis Dei fidelibus diligentius conservetur manu propria eam subter firmantes annuli quoque nostri impressione insigniri jussimus Datum X kalend maii indictione III anno quoque IX regnante et redintegrante III Karolo serenissimo rege Actum firmatumque Trecas civitate in Dei nomine feliciter Amen