Charter Document - 02340066

In nomine sancte et individue trinitatis Carolus ejusdem omnipotentis Dei misericordia rex Si petitionibus regni nostri Procerum immo etiam servorum Dei pro quibuslibet ecclesiasticis necessitatibus aures nostras pulsantium libenter annuimus et ad divine militie in locis Deo dicatis uberius famulandum auxilium porrigimus pro viribus id nobis procul dubio et ad instantem vitam temporaliter transigendam et ad futuram feliciter obtinendam commodum provenire confidimus Precognitum igitur fore omnimodis cupimus omnibus sancte Dei ecclesie fidelibus et nostris scilicet presentibus et futuris quoniam adiit serenitatem nostris culminis vir venerabilis germanus quondam predecessoris nostri Odonis regis noster fidelis Rotbertus scilicet inclitus abba basilice gregis ac rerum eximii confessoris Christi beati Martini que sita esse cognoscitur in suburbio Turonis civitatis reverenter poscens ne res quas olim laudabilis sollicitudo piorum regum et patrum et pastoralis cura apostolicorum per propria privilegia necnon ac predecessorum nostrorum parentum imperatorum et regum per inviolabilia unquam precepta quasque antecessor suus vir venerabilis propinquus noster Hugo abba suo nobili obtentu ob amorem Dei et reverentiam beati Martini cujus defensor esse videbatur cum magno et orthodoxo imperatore Carolo avo nostro et ejusdem regni principibus eidem sancto Martino et fratribus sue congregationis seclusa omni importuna suorum ditione abbatum ac Procerum ad eorum speciales et quotidianos usus perpetualiter possidendas obtinuerat ita et nostris futurisque temporibus sub nostre immunitatis defensione consistere et ab omni publica functione ac judiciaria exactione per nostre preceptionis seriem immunes liberasque decernere dignaremur Capleiam videlicet et Comisiacum cum integritate omnibusque suorum attractis in pago Tornetrensi sitis [] Actum Compendio palatio XVIII kalendas julii eodem rege regnante anno VII indictione X in Dei nomine feliciter Amen